A cara boa do tabaco

O tabaco mata cada ano a seis millóns de persoas. É un dos produtos máis letais, traídos de América e difundido por todo o mundo. Non obstante, as plantas que deron orixe a esta pandemia autoinflixida tamén teñen un gran potencial para mellorar a vida humana.

Investigadores do Instituto Noruegués para a Investigación Agraria e Ambiental anunciaron os seus plans para substituír o petróleo pola biomasa dos bosques. Agora, aproveitar a madeira é complicado porque as paredes das células son moi grosas. Para descompoñelas, son necesarias moitas encimas caras de producir. Como alternativa, o equipo noruegués quere desenvolver un sistema para utilizar plantas de tabaco transxénicas.

O proxecto bautizado como Bioboost, aproveitaría a capacidade das plantas para transformar a enerxía do sol e o CO2 da atmosfera sen custo económico.

A posibilidade de manipular este vexetal fai que sexa un dos favoritos dos biotecnólogos. O tabaco foi a primeira planta modificada xenéticamente, en 1982, e a primeira transxénica que se puxo a proba para a súa produción fóra do laboratorio, en 1986. A posibilidade de introducir xenes humanos no tabaco fai que se poidan producir todo tipo de fármacos. O verán pasado fíxose famoso o Zmapp, un medicamento experimental contra o ébola producido en plantas transxénicas de tabaco.

No Instituto de Agrobiotecnoloxía tamén realizaron ensaios que mostran as posibilidades de utilizar estas plantas para producir biocombustibles. Trátase de manipulalas para que xeren máis almidón e azucres, e convertelas en bioetanol. Os investigadores buscaron un cultivo de tabaco de fumar de alta intensidade. Déixase que volva crecer a planta e repítese a operación. Extráese o azucre para obter biocombustible e prodúcense residuos que tamén terán a súa utilidade.

A planta de tabaco, moi rica en proteína, pode ser fonte de alimento para animais e mesmo de suplementos para persoas con carencias nutricionais.

Autor: Rubén Iglesias Ferro

Esta entrada foi publicada en Alimentos transxénicos, Avances médicos, Medicina e etiquetada , , . Garda o enlace permanente.

39 Responses to A cara boa do tabaco

  1. Victor di:

    RECORDADE QUE ESTÁ UN FORO ABERTO.

  2. faa-ivanlois di:

    O tabaco é un produto vexetal que se obtén da planta coñecida como Nicotiana sendo ademais o elemento principal e central dos cigarros de tabaco, os máis populares e consumidos. O tabaco é orixinario de América, despois de ser utilizado polos americanos por moito tempo antes de que os europeos o descubrisen no século XV e o levasen de volta ás súas terras. O tabaco é hoxe en día un dos principais produtos que se consumen no mundo debido a que conta con importantes propiedades aditivas que fan que o consumidor xere unha importante dependencia cara a el.
    O tabaco é considerado unha das substancias máis aditivas e nocivas que consume libremente o ser humano na actualidade. O tabaco consúmese principalmente a través da inhalación do fume que a súa combustión xera, xa que non é normal consumir como comida o tabaco. Hoxe en día, os cigarros de tabaco contan con moitos outros elementos tamén nocivos e aditivos que fan case imposible deixar o consumo e por iso as empresas tabaqueiras, aquelas que se dedican á fabricación destes produtos, son extremadamente poderosas e ricas.

    Ademais de xerar grande adicción, o tabaco xera outros problemas principais que se incrementan ao non poder a persoa deixar de consumilo. Entre estes danos podemos sinalar principalmente afeccións ao sistema respiratorio (especialmente aos pulmóns), aos órganos da boca, ao sistema cardiovascular (ao favorecer a acumulación de colesterol) e outros problemas máis. Na actualidade, existen numerosos programas e centros de axuda que buscan facilitar ás persoas o abandono do tabaco debido ao prexuízo que este significa para a saúde e do difícil que se volve interromper o seu consumo.

  3. fab-mariangaleano di:

    As encimas son moléculas de natureza proteica e estrutural que catalizan reaccións químicas, sempre que sexan termodinamicamente posibles: unha encima fai que unha reacción química que é enerxicamente posible, pero que transcorre a unha velocidade moi baixa, sexa cineticamente favorable, é dicir, transcorra a maior velocidade que sen a presenza da encima. Nestas reaccións, as encimas actúan sobre unhas moléculas denominadas substratos, os cales se converten en moléculas diferentes denominadas produtos. Case todos os procesos nas células necesitan encimas para que ocorran a unhas taxas significativas. Ás reaccións mediadas por encimas denomínaselles reaccións encimáticas. Debido a que as encimas son extremadamente selectivas cos seus substratos e a súa velocidade crece só con algunhas reaccións, o conxunto de encimas sintetizadas nunha célula determina o tipo de metabolismo que terá cada célula. Á súa vez, esta sínteses depende da regulación da expresión xénica.
    Algunhas encimas son usadas comercialmente, por exemplo, na sínteses de antibióticos e produtos domésticos de limpeza. Ademais, son amplamente utilizadas en diversos procesos industriais, como son a fabricación de alimentos, distinción de vaqueros ou produción de biocombustibles.

  4. fab-ivanportas di:

    Chámase pandemia á propagación mundial dunha nova enfermidade.
    Prodúcese unha pandemia de gripe cando xorde un novo virus gripal que se propaga polo mundo e a maioría das persoas non teñen inmunidade contra el. Polo común, os virus que causaron pandemias con anterioridade proviñeron de virus gripais que infectan os animais.
    Nalgúns aspectos a gripe pandémica parécese á estacional, pero noutros pode ser moi diferente. Por exemplo, ambas as dúas poden afectar a todos os grupos de idade e na maioría dos casos causan unha afección que cede espontaneamente e vai seguida dunha recuperación completa sen tratamento. Non obstante, polo xeral a mortalidade relacionada coa gripe estacional afecta sobre todo aos anciáns mentres que outros casos graves afectan a persoas que padecen unha serie de enfermidades e trastornos subxacentes.

    Tanto no caso da gripe estacional coma da pandémica o número de persoas que enferman gravemente pode variar. Aínda así, a gravidade ten a ser máis frecuente nesta última debido en parte ao número moito maior de persoas que carecen de inmunidade fronte ao novo virus. Cando se infecta unha gran parte da poboación, aínda se é pequena a porcentaxe dos que padecen a enfermidade grave, o número total de casos graves pode ser moi elevado.

  5. fab-lauraozores di:

    O Tabaco é unha planta procedente de América, de olor forte, talo groso e con moitas ramas, das que saen unhas follas grandes e con nervios marcados. Pertence á familia das Solanáceas (Solanaceae), e do xénero Nicotina (Nicotiana). A especie máis cultivada e de maior importancia económica, e coñecida como tabaco común é Nicotiana tabacum.

    O tabaco contén nicotina, unha substancia tóxica que produce forte adicción, esta estimula a sensación de satisfacción e benestar no cerebro e proporciona euforia ao individuo que a consume.

    Coas follas enroladas desta planta fanse cigarros, puros e tabaco para pipa, os cales son fumados. Tamén o tabaco pode aspirarse e mastigarse, para aspirar o tabaco está pulverizado ou finamente cortado, e o de mastigar esmiúzase ou disponse en tiras longas que se torcen. Esta planta tamén emprégase para obter produtos de nicotina, como insecticidas ou medicinas. Durante séculos os nativos americanos utilizaron o tabaco como medicina, alucinóxeno e como ofrenda aos seus espíritos. Mais adiante propagouse o seu uso en Europa, e posteriormente a China, Xapón e á costa occidental de África. Hoxe en día en todos os países consúmense esta peculiar planta.

  6. faa-manuelvilas di:

    Un organismo genéticamente modificado (abreviado OMG ou OGM) é un organismo cuxo material xenético foi alterado usando técnicas de ingeniería xenética.A definición estadounidense inclúe igualmente as modificacións realizadas mediante a selección artificial.A ingeniería xenética permite modificar organismos mediante a transgénesis ou a cisgénesis, é dicir a inserción dun ou varios xenes no genoma. Os OGM inclúen micro-organismos como bacterias ou levaduras, insectos, plantas, peces, e animais. Estes organismos son a fonte dos alimentos genéticamente modificados, e son ampliamente utilizados en investigacións científicas para producir outros bens distintos aos alimentos. O término OGM está moi asociado ao término técnico legal, «organismo viviente modificado» definido no Protocolo de Cartagena en Bioseguridad, que regula internacionalmente o comercio dos OGM vivientes (especialmente, “calquera organismo viviente que posúe unha combinación de material xenético obtida mediante o uso de biotecnologias modernas”).As posibles modificacións xenéticas que se poden usar inclúen a mutación, inserción e deleción de xenes. Cando se insere material xenético este adoita provir doutra especie, de forma parecida á transferencia horizontal que se produce na natureza. Para producir de forma artificial esta transferencia adoita ser necesario recorrer a diferentes técnicas. Os xenes poden ser incorporados a un virus ou poden ser físicamente inxectados no núcleo da célula cunha agulla ultrafina ou cun canón de xenes. Outras técnicas aproveitan a habilidade de certos organismos como os lentivirus ou algunhas bacterias como a Agrobacterium tumefaciens para transferir material xenético a animais e plantas.

  7. fab-antonchaves di:

    O etanol é un composto químico obtido a partir da fermentación dos azucres que pode utilizarse como combustible, só, ou ben mesturado en cantidades variadas con gasolina, e o seu uso se estendeu principalmente para substituír o consumo de derivados do petróleo.

    O combustible resultante da mestura de etanol e gasolina coñécese como gasohol ou alconafta. Dúas mesturas comúns son E10 e E85, con contidos de etanol do 10% e 85%, respectivamente.

    O etanol tamén se utiliza cada vez máis como engadido para osixenar a gasolina normal, substituíndo ao éter metilo tert-butílico (MTBE). Este último é responsable dunha considerable contaminación do chan e da auga subterránea. Tamén pode utilizarse como combustible nas celas de combustible.

    Como fonte para a produción de etanol no mundo utilízase fundamentalmente biomasa. Este etanol é denominado, pola súa orixe, bioetanol.

  8. fab-miguelpineiro di:

    As encimas son moléculas de natureza proteica e estrutural que catalizan reaccións químicas, sempre que sexan termodinamicamente posibles: unha encima fai que unha reacción química que é enerxicamente posible, pero que transcorre a unha velocidade moi baixa, sexa cineticamente favorable, é dicir, transcorra a maior velocidade que sen a presenza da encima. Nestas reaccións, as encimas actúan sobre unhas moléculas denominadas substratos, os cales se converten en moléculas diferentes denominadas produtos. Case todos os procesos nas células necesitan encimas para que ocorran a unhas taxas significativas. Ás reaccións mediadas por encimas denomínaselles reaccións encimáticas. Debido a que as encimas son extremadamente selectivas cos seus substratos e a súa velocidade crece só con algunhas reaccións, o conxunto de encimas sintetizadas nunha célula determina o tipo de metabolismo que terá cada célula. Á súa vez, esta sínteses depende da regulación da expresión xénica.
    Algunhas encimas son usadas comercialmente, por exemplo, na sínteses de antibióticos e produtos domésticos de limpeza. Ademais, son amplamente utilizadas en diversos procesos industriais, como son a fabricación de alimentos, distinción de vaqueros ou produción de biocombustibles.

  9. fab-sabelafernandez di:

    O ébola é unha enfermidade infecciosa viral aguda que produce febre hemorráxica en humanos e primates, causada polo virus do Ébola, que se describiu por primeira vez no ano 1976 polo Dr. David Finkes, cando se presentaron varios casos de febre hemorráxica en Zaire e Sudán. O nome do virus débese ao río Ébola, xeograficamente situado en Zaire.

    O virus do Ébola é un dos dous membros dunha familia de virus de ARN (ácido ribonucleico) chamado Filoviridae. Existen cinco serotipos do virus do Ébola: Ébola-Zaire, Ébola-Sudán, Ébola-Costa de Marfil e Ébola-Bundibugyo. O quinto serotipo, o Ébola-Reston, causou enfermidade nos primates, pero non en humanos. É unha infección que se caracteriza por unha alta taxa de mortalidade, que oscila entre o 50% e o 95% dos afectados. Debido á súa natureza letal, este virus é considerado como unha arma biolóxica.

    A prevalencia do ébola é difícil de determinar, porque adoita presentarse en forma de brotes ou epidemia, non obstante, en países como Estados Unidos a infección por este virus non é endémica, aínda que existen rexistros de varias persoas que traballan en contacto directo con primates e que adquiriron a infección polo tipo Ébola-Reston; afortunadamente, este tipo de virus non demostrou efectos patoxénicos en seres humanos. Outras persoas en risco potencial son os traballadores de laboratorio que traballan con animais infectados ou con cultivos do virus en tecidos.

    Actualmente, considérase que as persoas en risco de contraer febre hemorráxica por virus do Ébola son aquelas con antecedentes de viaxes a África subsahariana, as persoas que coidan os pacientes infectados, así como os traballadores que se encontran en contacto con primates infectados de orixe africana.

  10. faa-diegogarcia di:

    Un biocarburante ou biocombustible é unha mestura de substancias orgánicas que se utiliza como combustible nos motores de combustión interna. Deriva da biomasa, materia orgánica orixinada nun proceso biolóxico, espontáneo ou provocado, utilizable como fonte de enerxía.
    Para moitos autores, o correcto para referirse a este tipo de combustibles é falar de agrocombustibles, o prefixo “bio-” utilízase en toda a UE para referirse aos produtos agrícolas en cuxa produción non interveñen produtos de síntese. A palabra biocombustible, polo tanto, préstase a confusión e dota ao termo dunhas connotacións positivas das que carece.
    Para a obtención dos biocarburantes pódense utilizar especies de uso agrícola tales como o millo ou a mandioca, ricas en carbohidratos, ou plantas oleaxinosas como a soia, xirasol e palmas. Tamén se poden empregar especies forestais como o eucalipto e os piñeiros.
    Ao utilizar estes materiais redúcese considerablemente o dióxido de carbono que é enviado á atmosfera terrestre xa que estes materiais o van absorbendo a medida que se van desenvolvendo, mentres que emiten unha cantidade similar que os carburantes convencionais no momento da combustión.

  11. faa-emiliolumbres di:

    O almidón é o principal polisacárido (Hidrato de carbono formado por unha longa cadea de monosacáridos) de reserva da maioria dos vexetais e a fonte de calorías máis importantes consumida polo ser humano.
    É un constituínte imprescindible nos alimentos nos que está presente, dende o punto de vista nutricional. Grande parte das propiedades da fariña e dos productos de panadería e repostería poden explicarse coñecendo as características do almidón.
    O almidón está constituido por dous compostos: amilosa e amilopectina.
    Os almidóns dos cereais conteñen pequenas cantidades de graxas. Os lípidos asociados ao almidón son xeralmente os lípidos polares, que necesitan disolventes polares tales como o metanol-auga, para a súa extracción. Xeralmente o nivel de lípidos no almidón cereal está entre o 0,5% e 1%.

  12. fab-nereaporta di:

    A biotecnoloxía é a tecnoloxía baseada na bioloxía, especialmente usada en agricultura, farmacia, ciencia dos alimentos, ciencias forestais e medicina. Desenvólvese nun enfoque multidisciplinario que involucra varias disciplinas e ciencias como bioloxía, bioquímica, xenética, viroloxía, agronomía, enxeñería, física, química, medicina e veterinaria entre outras. Ten gran repercusión na farmacia, a medicina, a microbioloxía, a ciencia dos alimentos, a minería e a agricultura entre outros campos.
    O tabaco é a manufactura en diferentes presentacións (picado, en po e, particularmente, en cigarros), das follas secas da planta do tabaco (Nicotiana tabacum L.); considérase hoxe en día unha droga legal. O seu consumo está moi estendido por todo o mundo. É unha herba perenne, robusta, de 50 a 120 cm de altura, pegañenta ó tacto. Ten follas grandes e sésiles, e flores verde amarelentas. É unha planta oriunda de América tropical. O tabaco moderno deriva case na súa maioría da Nicotiana tabacum. O compoñente máis característico do tabaco é a nicotina.

  13. faa-uxiacasais di:

    O tabaco é unha das maiores ameazas para a saúde pública que tivo que afrontar o mundo. Mata a case 6 millóns de persoas ao ano, das cales máis de 6 millóns son consumidores directos e máis de 600 000 son non fumadores expostos ao fume alleo. Cada seis segundos, aproximadamente, morre unha persoa a causa do tabaco, o que representa unha de cada 10 defuncións de adultos. En última instancia, ata a metade dos consumidores actuais poderían morrer por unha enfermidade relacionada co tabaco.

    Debido ao desfase de varios anos entre o momento en que a xente empeza a consumir tabaco e a aparición de problemas de saúde, a epidemia de enfermidades e mortes relacionadas co tabaco non fixo máis que empezar.

  14. faa-iagopadin di:

    Un biocarburante ou biocombustible é unha mestura de substancias orgánicas que se utiliza como combustible nos motores de combustión interna. Deriva da biomasa, materia orgánica orixinada nun proceso biolóxico, espontáneo ou provocado, utilizable como fonte de enerxía.
    Para a obtención dos biocarburantes pódense utilizar especies de uso agrícola tales como o millo ou a mandioca, ricas en carbohidratos, ou plantas oleaxinosas como a soia, xirasol e palmas. Tamén se poden empregar especies forestais como o eucalipto e os piñeiros.
    Ao utilizar estes materiais redúcese considerablemente o dióxido de carbono que é enviado á atmosfera terrestre xa que estes materiais o van absorbendo a medida que se van desenvolvendo, mentres que emiten unha cantidade similar que os carburantes convencionais no momento da combustión.
    En Europa, Arxentina e Estados Unidos xurdiu diversa normativa que esixe aos provedores mesturar biocombustibles ata un nivel determinado. Xeralmente os biocombustibles mestúranse con outros combustibles en cantidades que varían do 5 ao 10%.
    Os combustibles de orixe biolóxica poden substituír parte do consumo en combustibles fósiles tradicionais, como o petróleo ou o carbón.
    Os biocarburantes máis usados e desenvolvidos son o bioetanol e o biodiésel.

  15. faa-uxiacasais di:

    A biomasa é a utilización da materia orgánica como fonte enerxética. Pola súa ampla definición, a biomasa abrangue un amplo conxunto de materias orgánicas que se caracteriza pola súa heteroxeneidade, tanto pola súa orixe coma pola súa natureza.

    No contexto enerxético, a biomasa pode considerarse como a materia orgánica orixinada nun proceso biolóxico, espontáneo ou provocado, utilizable como fonte de enerxía. Estes recursos biomásicos poden agruparse de forma xeral en agrícolas e forestais. Tamén se considera biomasa a materia orgánica das augas residuais e os lamas de depuradora, así como a fracción orgánica dos residuos sólidos urbanos (FORSU), e outros residuos derivados das industrias.

  16. faa-rubeniglesias di:

    ZMapp é un medicamento, un soro inmunolóxico experimental, que contén 3 anticorpos monoclonais. Emprégase no tratamento da infección polo Virus do Ébola.
    O 31 de xullo de 2014 o fármaco foi probado por primeira vez en humanos afectados polo brote de Ébola en África Occidental. Foi administrado a dous cidadáns estadounidenses, coooperantes en Liberia, que foran infectados polo ébola; en ambos os dous parece que o tratamento foi positivo.
    O 9 de agosto de 2014 chegaba dende Xenebra a España o fármaco e ao día seguinte facíase oficial que o sacerdote español Miguel Pajares, infectado polo virus en Liberia ía a ser tratado con ZMapp tras tramitarse con éxito as autorizacións pertinentes. O 10 de agosto confirmouse que o enfermo xa recibía o tratamento e o día 12 de agosto morreu a causa da febre hemorráxica do Ébola.
    O 12 de agosto de 2014 a Organización Mundial da Saúde (OMS) aprobou o uso de tratamentos experimentais para curar o ébola en África.

  17. fab-miguelleiro di:

    O Tabaco é unha planta procedente de América, de olor forte, talo groso e con moitas ramas, das que saen unhas follas grandes e con nervios marcados. O tabaco contén nicotina, unha substancia tóxica que produce forte adicción, esta estimula a sensación de satisfacción e benestar no cerebro e proporciona euforia ao individuo que a consume.
    Coas follas enroladas desta planta fanse cigarros, puros e tabaco para pipa, os cales son fumados. Tamén o tabaco pode aspirarse e mastigarse, para aspirar o tabaco está pulverizado ou finamente cortado, e o de mastigar esmiúzase ou disponse en tiras longas que se torcen. Esta planta tamén emprégase para obter produtos de nicotina, como insecticidas ou medicinas.

  18. faa-ariadnavazquez di:

    As encimas usáronse durante centos de anos, e hoxe en día o uso delas apenas ten límites. Estas aceleran todos os procesos biolóxicos vitais. As encimas no estómago, por exemplo, garanten que os alimentos se desfagan en pequenas partículas que se poden converter en enerxía no corpo. Ademáis, empre que sexa unha substancia necesita ser transformada noutro, a natureza utiliza encimas para acelerar o proceso.
    Teñen un papel esencial no noso corpo, cando comemos. O proceso comeza na boca, onde unha encima chamada amilase ataca todas as partículas de alimentos entrantes. Logo, diferentes encimas continúan descompoñendo os alimentos todo o camiño ata o estómago e os intestinos. A descomposición dos alimentos é unha parte esencial da conversión dos alimentos en enerxía. A comida non dixerida non é capaz de transmitir a enerxía almacenada no seu interior. As encimas que interveñen no proceso de dixestión realizan o corte final das partículas de alimentos para que poidan ser convertidas doadamente na enerxía esencial e necesaria por todas as partes do noso corpo. Un dos aspectos únicos de encimas é que cada unha delas ten unha función e unha soa función. Cada función ou substrato nun organismo ten a súa propia encima única e distinta . Por outro lado e para rematar, gustaríame dicir que a maioría das industrias teñen residuos de produción. Ao utilizar os produtos químicos, estes representan unha ameaza á natureza. As encimas poden facer o mesmo traballo máis barato e non poñer en perigo o medio.

  19. faa-albarodriguez di:

    Os biocarburantes son combustibles líquidos ou gasosos para automoción producidos a partir de biomasa, entendéndose como tal a materia orgánica biodegradable procedente de cultivos enerxéticos e residuos agrícolas, forestais, industriais e urbanos.
    Na actualidade prodúcense a escala industrial tres tipos de biocarburantes:
    -Biodiésel
    – Bioetanol
    -Biogás
    O biodiésel é un éster producido a partir da reacción de aceites vexetais ou graxas animais cun alcohol. Na actualidade, estase a estudar a súa produción a partir de algas, cardo e jatropha. O alcohol máis utilizado na UE é o metanol, aínda que tamén se pode utilizar etanol, como se fai maioritariamente en Brasil.
    O bioetanol prodúcese a partir da fermentación de materia orgánica con altos contidos en amidón como os cereais e a remolacha, comunmente utilizados en Europa e EUA, e a cana de azucre, especialmente usada en Brasil. O desenvolvemento de encimas avanzadas permitirá, ademais, a súa obtención a partir de material lignocelulósico.
    O biogás é un gas composto principalmente por metano (nun 80-92%-92) formado pola degradación de materia orgánica en atmosfera libre (ou pobre) de osíxeno, proceso coñecido como dixestión anaerobia ou metanización. Xeralmente, as súas características de combustión son asimilables ás do gas natural, podendo ter mesmo unha maior pureza que este.
    Ademais dos biocarburantes comentados, existen outros cuxa aplicación futura resulta moi prometedora. Así, están os biocarburantes coñecidos como BtL, é dicir Biomass-to-Liquid, que se producen a partir de calquera tipo de biomasa por gasificación e posterior licuefacción mediante proceso Fischer-Tropsch ou isomerización, é dicir, por “reordenamento” dos átomos das moléculas para asemellalas a hidrocarburos. Tamén se pode producir biodiésel a partir de aceites vexetais por hidroxenación, é dicir, mediante a adición directa de hidróxeno baixo presión e en presenza dun catalizador.

  20. fab-mariblanco di:

    O tabaco (Nicotiana tabacum) é unha planta herbácea perenne, da familia das solanáceas, oriunda de América tropical e de cuxas follas se produce a meirande parte do tabaco consumido hoxe no mundo.

    N. tabacum é unha herba anual, bienal ou perenne, pubescente-glandulosa, robusta, de 50 cm até 3 m de altura. A raíz é longa e fibrosa. O talo é erecto, de sección circular, piloso e viscoso ao tacto. Ramifícase preto do seu extremo superior, producindo follas mestas, grandes (30-40 cm de longo por 10 a 20 de largo), alternas, sésiles, ovado a lanceoladas, apuntadas, de cor verde pálida; ao tacto comparten a viscosidade do talo. Son febles, e botan un cheiro lixeiramente agre e narcótico, por mor á nicotina, un alcaloide volátil de sabor agresivo e cheiro intenso.

  21. faa-emiliolumbres di:

    O tabaco é un producto da agricultura originario de América e procesado a partir das follas de “Nicotiana Tabacum”. Consúmese de varias formas, sendo a principal por combustión producindo fume. O seu particular contenido en nicotina faina oi aditiva. Comercialízase legalmente en todo o mundo (agás en Bután (Asia)) aínda que en moitos países ten numerosas restriccións de consumo, polos seus efectos adversos para a saúde pública.
    Ademáis de xerar adicción o tabaco xera outros problemas principais que increméntase ao non poder deixar de consumilo. Entre estes danos podemos sinalar principalmente afeccións ao sistema respiratorio, aos organos da boca, ao sistema cardiovascular, e outros problemas máis.

  22. faa-carmenvilanova di:

    As encimas son moléculas de natureza proteica e estrutural que catalizan reaccións químicas, sempre que sexan termodinamicamente posibles: unha encima fai que unha reacción química que é enerxeticamente posible, pero que transcorre a unha velocidade moi baixa, sexa cineticamente favorable, é dicir, transcorra a maior velocidade que sen a presenza da encima. Nestas reaccións, as encimas actúan sobre unhas moléculas denominadas substratos, as cales se converten en moléculas diferentes denominadas produtos. Case todos os procesos nas células necesitan encimas para que acontezan a unhas taxas significativas. Ás reaccións mediadas por encimas denomínallas reaccións enzimáticas.
    Debido a que as encimas son extremadamente selectivas cos seus substratos e a súa velocidade crece só con algunhas reaccións, o conxunto (set) de encimas sintetizadas nunha célula determina o tipo de metabolismo que terá cada célula. Á súa vez, esta síntese depende da regulación da expresión xénica.
    Como todos os catalizadores, as encimas funcionan diminuíndo a enerxía de activación (G‡) dunha reacción, de forma que se acelera substancialmente a taxa de reacción. As encimas non alteran o balance enerxético das reaccións en que interveñen, nin modifican, polo tanto, o equilibrio da reacción, pero conseguen acelerar o proceso mesmo millóns de veces. Unha reacción que se produce baixo o control dunha encima, ou dun catalizador en xeral, alcanza o equilibrio moito máis á présa que a correspondente reacción non catalizada.

  23. faa-tamaraparracho di:

    Un organismo modificado xeneticamente (abreviado pola sigla OMX, OXM ou GMO) é un organismo cuxo material xenético foi alterado usando técnicas como ADN recombinante ou enxeñaría xenética.
    As posibles modificacións xenéticas que se poden empregar inclúen a mutación, a inserción e deleción de xenes. Cando se inserta material xenético, este soe provir doutra especie, de xeito parecido á transferencia horizontal que se produce na natureza. Para producir de forma artificial esta transferencia, soe ser necesario recorrer a diferentes técnicas. Así pois, os xenes poden ser incorporados a uns virus ou poden ser fisicamente inxectados no núcleo da célula cunha agulla ultrafina ou cun canón de xenes. Outras técnicas aproveitan a habilidade de certos organismos como os lentivirus ou algunhas bacterias para transferir material xenético a animais e plantas.
    Ao facer a manipulación no material xenético, este pode facerse herdable ou non, en función do proceso usado e os xenes implicados.
    Estes organismos modificados xeneticamente son amplamente utilizados en investigacións
    Así pois, mediante a inserción, deleción e trasposición de xenes en diversos organismos é posible determinar a función de determinados xenes.
    Ademais, mediante a modificación xenética é posible obter animais, que padezan enfermidades análogas ás humanas, servindo de modelos para a investigación de ditas enfermidades e das probas preclínicas de medicamentos e terapias para combatelas.
    Por último, os organismos transxénicos son usados tamén para fabricar produtos destinados para uso terapéutico en humanos (produtos farmacéuticos).
    De feito, no pasado, as formas humanas de proteínas como insulina, hormona do crecemento e factor de coagulación, que serven para tratar graves enfermidades e alteracións nas persoas, eran moi raras e costosas, mais hoxe en día, bacterias e levaduras modificadas con xenes para proteínas humanas producen estes compostos dunha maneira moi económica e en gran abundancia.

  24. faa-albaaller di:

    O tabaco é unha planta de talo groso e con moitas ramas, das que saen follas grandes e con talos marcados. Esta planta procedente de América posúe un olor moi forte e pertence á familia das Solanáceas (Solanaceae) e ao xénero Nicotina (Nicotiana). A especie que máis destaca polo seu recoñecemento e cultivo é a Nicotiana tabacum, coñecida como tabaco común.
    Como o propio nome do xénero indica, o tabaco contén nicotina, un forte aditivo que estimula a sensación de benestar ao cerebro e proporciona euforia ao consumidor.
    As follas desta planta enrrólanse para facer cigarros e puros que serán fumados. O tabaco tamén pode ser aspirado ou mastigado. Esta planta non só se utiliza para esto, senón tamén para a mediciña e para insecticidas.
    Nun primeiro momento só se consumía en América, logo estendeuse por Europa e hoxe en día é consumida en todo o mundo.

  25. faa-martinbaulde di:

    Os biocarburantes son combustibles líquidos ou gasosos nproducidos a partir de biomasa, entendéndose como tal a materia orgánica biodegradable procedente de cultivos enerxéticos e residuos agrícolas, forestais, industriais…

    Na actualidade prodúcense a escala industrial tres tipos de biocarburantes, o Biodiésel o Bioetanol e o Biogás.

    O biodiésel é un éster producido a partir da reacción de aceites vexetais ou graxas animais cun alcohol.

    O bioetanol prodúcese a partir da fermentación de materia orgánica con altos contidos en amidón como os cereais e a remolacha, comunmente utilizados en Europa e EUA, e a cana de azucre, especialmente usada en Brasil.

    O biogás é un gas composto principalmente por metano formado pola degradación de materia orgánica en atmosfera libre de osíxeno, proceso coñecido como metanización. Xeralmente, as súas características de combustión son asimilables ás do gas natural, podendo ter mesmo unha maior pureza que este.

  26. faa-emiliolumbres di:

    O biocombustible é un tipo de combustible que consiste dunha mestura de substancias orgánicas, formadas a partir de átomos de hidróxeno e carbono, e que principalmente é utilizado en aqueles motores coñecidos como combustión interna.
    Básicamente o biocombustible provén da biomasa, tal como se denomina a aquela materia de tipo orgánico que resulta dun proceso biolóxico ou natural.
    Existen dous biocombustibles que son os máis entendidos en uso e tamén en producción: o biodiesel e o bioetanol. O biodiesel obtense a partir de aceites vexetais que se usaran xa ou ben presentarse en estado naural. Mentras que o bietanol consíguese a partir do proceso coñecido como fermentación alcohólica dos azúcares que dispoñen diferentes plantas tales como a caña de azúcar, os cereais ou a remolacha.

  27. faa-miriantrigo di:

    O amidón é a substancia coa que as plantas almacenan o seu alimento en raíces (iuca), tubérculos (pataca), froitas e sementes (cereais). Pero, non só é unha importante reserva para as plantas, tamén para os seres humanos ten unha alta importancia enerxética, proporciona gran parte da enerxía que consumimos os humanos por vía dos alimentos.
    O amidón diferénciase dos demais hidratos de carbono presentes na natureza en que se presenta como un conxunto de gránulos ou partículas. Estes gránulos son relativamente densos e insolubles en auga fría, aínda que poden dar lugar a suspensións cando se dispersan na auga.
    Dende o punto de vista químico o amidón é un polisacárido, o resultado de unir moléculas de glicosa formando longas cadeas, aínda que poden aparecer outros constituíntes en cantidades mínimas.

    É unha substancia que se obtén exclusivamente dos vexetais que o sintetizan a partir do dióxido de carbono que toman da atmosfera e da auga que toman do chan. No proceso absórbese a enerxía do sol e almacénase en forma de glicosa e unións entre estas moléculas para formar as longas cadeas do amidón, que poden chegar a ter ata 2000 ou 3000 unidades de glicosa.

  28. faa-iagopadin di:

    Unha pandemia é unha enfermidade infecciosa que se propaga a través dos seres humanos en todo o mundo, ou en rexións moi grandes como continentes. Normalmente, espérase que cada século acontezan tres ou catro pandemias, cando aparecen virus novos e se esparexen con rapidez dunha persoa a outra, provocando algúns casos graves. Non obstante, non se pode predicir a ocorrencia dunha pandemia con total exactitude.
    De acordo coa Organización Mundial da Saúde (OMS), declárase unha pandemia cando se cumpren tres condicións: 1) Aparece un virus novo, que non estivese anteriormente e, por conseguinte, non hai persoas inmunes. 2) Os virus infectan as persoas, causando enfermidades serias. 3) Os axentes propáganse doado e sostidamente entre os seres humanos. No caso doutras enfermidades que tamén matan moitas persoas, como o cancro, non se consideran pandemias debido a que non son infecciosas ou contaxiosas.

  29. faa-manuelvilas di:

    O tabaco cun consumo moderado e sendo este tabaco puro(non o que venden nas tabacaleras cunha chea de aditivos e produtos tóxicos)ten algúns beneficios para a saúde:

    1. Protección contra o Parkinson: Numerosos estudos identificaron a misteriosa relación inversa entre o tabaquismo e a enfermidade do Parkinson, aínda que non lograron desentrañar a causa de que a longo prazo os fumadores están dalgún xeito protexidos contra o mal e non é porque os fumadores morren doutras cousas antes. O máis recente estudo publicado en 2010 na revista Neurology, lonxe de determinar a causa do efecto protector, os investigadores atoparon que máis que a cantidade de cigarros fumados ao día, o máis importante para o efecto protector era o número de anos de fumar.Investigadores de Harvard atoparon que o efecto protector diminúe logo de deixar de fumar, pero sen ter idea de por que.

    2. Baixas probabilidades de ser obeso: Fumar – e, en particular, a nicotina no fume do tabaco – é un supresor do apetito. Isto sóubose desde fai séculos, de feito na década de 1920 comezaron a utilizar esa característica na publicidade dirixida ás mulleres sobre que fumar faríalles máis delgadas, pero podería ser que iso sexa certo, un estudo publicado a revista de Physiology
    & Behavior que rexistrou cientificamente como o deixar de fumar provoca que se aumente de peso.La relación entre o tabaquismo e o control do peso é complexa: a nicotina en si actúa como un estimulante e supresor do apetito, e o acto de fumar provoca a modificación de conduta que lle pide aos fumadores comer menos. Fumar tamén pode facer á comida menos saborosa. Como un supresor do apetito, a nicotina parece actuar sobre unha parte do cerebro chamada hipotálamo, segundo un estudo en Science.

    3. Fumar axuda a medicina do corazón a traballar mellor: O clopidogrel é un medicamento que se usa para inhibir a formación de coágulos de sangue naqueles pacientes que sofren de enfermidade arterial coronaria e outras enfermidades cardiovasculares que conducen aos accidentes cerebrovasculares e ataques cardíacos. Fumar parece axudar ao clopidogrel a facer o seu mellor trabajo.Un estudo realizado por investigadores coreanos en outubro de 2010 publicado na revista Thrombosis Research basea no traballo realizado por investigadores de Harvard publicado en 2009 que demostra o beneficio de fumar polo menos 10 cigarros ao día axuda ao fármaco. Parece que algo no fume do cigarro activan certas proteínas chamadas citocromos, que converten o clopidogrel nun estado máis activo.

  30. fab-nereabetanzos di:

    O tabaco é un produto da agricultura orixinario de América e procesado a partir das follas de Nicotiana tabacum. Consúmese de varias formas, sendo a principal por combustión producindo fume. O seu particular contido en nicotina faina moi aditiva.Comercialízase legalmente en todo o mundo (salvo en Bután),aínda que en moitos países ten numerosas restricións de consumo, polos seus efectos adversos para a saúde pública. A súa composición inclúe un alcaloide, a nicotina, que se encontra nas follas en proporcións variables (dende menos do 1% ata o 12%).O xénero Nicotiana abrangue máis de 50 especies clasificadas en catro grupos principais: Nicotiana tabacum, Nicotiana petunoides, Nicotiana rustica e Nicotiana polidiclia. A especie Nicotiana tabacum, pódese clasificar en catro variedades: havanesis, brasilensis, virgínica e purpúrea, que son a orixe das distintas variedades usadas na comercialización.

  31. faa-laurachaves di:

    Como o artigo di, este equipo noruegués quere levar a cabo un sistema para utilizar plantas de tabaco transxénicas.
    Un transxénico é un organismo que posue unha secuencia de ADN, ou parte do ADN doutro organismo, pode até ser dunha especie diferente. Este termo non se pode confundir cun OXM (Organismo xenéticamente modificado), non son sinónimos. Todo trasxénico é un organismo xenéticamente modificado, mais non todo OXM é un transxénico.
    Un OXM é un organismo que foi modificado xeneticamente, mais pode ser que non recibise ningunha rexión doutro organismo. Por exemplo, unha bacteria pode ser modificada para expresar un xene ben mais veces. Iso non quer dicir que ela sexa unha bacteria transxénica, senón só un OMX, xa que non foi necesario inserir material externo. Outras veces o que se fai é inactivar un xene propio. Sempre que se insere un ADN exóxeno nun organismo, ese pasa a ser transxénico.

  32. faa-miguelotero di:

    O tabaco é unha das maiores ameazas para a saúde pública que tivo que afrontar o mundo. Mata a case 6 millóns de persoas ao ano, das cales máis de 6 millóns son consumidores directos e máis de 600 000 son non fumadores expostos ao fume alleo. Cada seis segundos, aproximadamente, morre unha persoa a causa do tabaco, o que representa unha de cada 10 defuncións de adultos. En última instancia, ata a metade dos consumidores actuais poderían morrer por unha enfermidade relacionada co tabaco.
    Case o 80% dos máis de mil millóns de fumadores que hai no mundo viven en países de ingresos baixos ou medios, onde é maior a carga de morbilidade e mortalidade asociada ao tabaco.
    Os consumidores de tabaco que morren prematuramente privan as súas familias de ingresos, aumentan o custo da atención sanitaria e dificultan o desenvolvemento económico.
    Nalgúns países, os nenos dos fogares pobres traballan con frecuencia no cultivo de tabaco para aumentar os ingresos familiares. Eses nenos son especialmente vulnerables á enfermidade do tabaco verde, producida pola nicotina que absorbe a pel cando se manipulan follas de tabaco húmidas.

  33. faa-marinabusto di:

    O amidón é o principal polisacárido de reserva da maioría dos vexetais, e a principal fonte de calorías da maioría da Humanidade. É importante como constituínte dos alimentos nos que está presente, tanto dende o punto de vista nutricional como tecnolóxico. Gran parte das propiedades da fariña e dos produtos de panadaría e repostaría poden explicarse coñecendo o comportamento do amidón.
    Ademais o amidón, illado, é un material importante en diversas industrias, entre elas a alimentaria. A técnica para a súa preparación coñecíase xa no antigo Exipto, e está descrita por diversos autores clásicos romanos. Nesas épocas utilizábase especialmente para dar sesistencia a papiro, e como apresto de tecidos. Actualmente a industria alimentaria é un gran consumidor, ao ser o máis barato dos materiais xelificantes.
    A nivel mundial, son importantes fontes de amidón o millo, trigo, pataca e mandioca. A escala local, ou para aplicacións especiais, obtense tamén amidón da cebada, avea, centeo, sorgo, sagú, chícharo, batata e arrurruz.
    O amidón máis importante dende o punto de vista industrial é o de millo. Ao ano utilízanse uns 60 millóns de toneladas de millo para fabricar amidón, ben para o seu uso como tal ou como materia prima para a obtención de glicosa e frutosa.

  34. Rita Lage di:

    O tabaco é considerado unha das substancias máis aditivas e nocivas que consume libremente o ser humano na actualidade. O tabaco consúmese principalmente a través da inhalación do fume que a súa combustión xera, xa que non é normal consumir como comida o tabaco. Hoxe en día, os cigarros de tabaco contan con moitos outros elementos tamén nocivos e aditivos que fan case imposible deixar o consumo e por iso as empresas tabaqueiras, aquelas que se dedican á fabricación destes produtos, son extremadamente poderosas e ricas.Ademais de xerar grande adicción, o tabaco xera outros problemas principais que se incrementan ao non poder a persoa deixar de consumilo. Entre estes danos podemos sinalar principalmente afeccións ao sistema respiratorio (especialmente aos pulmóns), aos órganos da boca, ao sistema cardiovascular (ao favorecer a acumulación de colesterol) e outros problemas máis. Na actualidade, existen numerosos programas e centros de axuda que buscan facilitar ás persoas o abandono do tabaco debido ao prexuízo que este significa para a saúde e do difícil que se volve interromper o seu consumo.

  35. fab-sabelafernandez di:

    Chámase pandemia á propagación mundial dunha nova enfermidade.

    Prodúcese unha pandemia de gripe cando xorde un novo virus gripal que se propaga polo mundo e a maioría das persoas non teñen inmunidade contra el. Polo común, os virus que causaron pandemias con anterioridade proviñeron de virus gripais que infectan os animais.

    Nalgúns aspectos a gripe pandémica parécese á estacional, pero noutros pode ser moi diferente. Por exemplo, ambas as dúas poden afectar a todos os grupos de idade e na maioría dos casos causan unha afección que cede espontaneamente e vai seguida dunha recuperación completa sen tratamento. Non obstante, polo xeral a mortalidade relacionada coa gripe estacional afecta sobre todo aos anciáns mentres que outros casos graves afectan a persoas que padecen unha serie de enfermidades e trastornos subxacentes.

    Pola contra, os casos máis graves ou mortais de gripe pandémica observáronse en persoas máis novas, tanto se estaban previamente sas coma se padecían enfermidades crónicas, e está gripe causou moitos máis casos de pneumonía vírica do que adoita acontecer coa gripe estacional.

    Tanto no caso da gripe estacional coma da pandémica o número de persoas que enferman gravemente pode variar. Aínda así, a gravidade ten a ser máis frecuente nesta última debido en parte ao número moito maior de persoas que carecen de inmunidade fronte ao novo virus. Cando se infecta unha gran parte da poboación, aínda se é pequena a porcentaxe dos que padecen a enfermidade grave, o número total de casos graves pode ser moi elevado.

  36. fab-alexcosta di:

    Un biocarburante é unha mestura de substancias orgánicas que se utiliza como combustible nos motores de combustión interna. Deriva da biomasa, materia orgánica orixinada nun proceso biolóxico, espontáneo ou provocado, utilizable como fonte de enerxía.
    Para moitos autores, o correcto para referirse a este tipo de combustibles é falar de agrocombustibles, o prefixo “bio-” utilízase en toda a UE para referirse aos produtos agrícolas en cuxa produción non interveñen produtos de síntese. A palabra biocombustible, polo tanto, préstase a confusión e dota ao termo dunhas connotacións positivas das que carece.
    Para a obtención dos biocarburantes pódense utilizar especies de uso agrícola tales como o millo ou a mandioca, ricas en carbohidratos, ou plantas oleaxinosas como a soia, xirasol e palmas. Tamén se poden empregar especies forestais como o eucalipto e os piñeiros.
    Ao utilizar estes materiais redúcese considerablemente o dióxido de carbono que é enviado á atmosfera terrestre xa que estes materiais o van absorbendo a medida que se van desenvolvendo, mentres que emiten unha cantidade similar que os carburantes convencionais no momento da combustión.

  37. faa-uxiacasais di:

    ZMapp é un dos tratamentos para frear o ébola que está en fase experimental e que, nas probas que se realizaron en varios macacos aos que se lles inoculara o virus e desenvolveran a enfermidade, conseguiu bloquear a infección.

    Os resultados das probas do fármaco, un soro que leva máis de dez anos en estudo co Instituto de Enfermidades Infecciosas do Exército de Estados Unidos á fronte, publicáronse en 2013 nas revistasNature e en Science Translational Medicine.

    Aínda que aínda non comezaran a investigación clínica en humanos -o que se coñece como ensaios clínicos-, decidiuse usar para tratar os dous estadounidenses infectados por ébola en Liberia así como o sacerdote Miguel Pajares, cuxa familia confirmou o domingo que empezara a recibir ZMapp.

  38. faa-iagopadin di:

    O ébola é unha enfermidade infecciosa viral aguda que produce febre hemorráxica en humanos e primates (monos, gorilas e chimpancé), causada polo virus do Ébola, que se describiu por primeira vez no ano 1976 polo Dr. David Finkes, cando se presentaron varios casos de febre hemorráxica en Zaire e Sudán. O nome do virus débese ao río Ébola, xeograficamente situado en Zaire.
    O virus do Ébola é un dos dous membros dunha familia de virus de ARN (ácido ribonucleico) chamado Filoviridae. Existen cinco serotipos do virus do Ébola: Ébola-Zaire, Ébola-Sudán, Ébola-Costa de Marfil e Ébola-Bundibugyo. O quinto serotipo, o Ébola-Reston, causou enfermidade nos primates, pero non en humanos. É unha infección que se caracteriza por unha alta taxa de mortalidade, que oscila entre o 50% e o 95% dos afectados. Debido á súa natureza letal, este virus é considerado como unha arma biolóxica.
    A prevalencia do ébola é difícil de determinar, porque adoita presentarse en forma de brotes ou epidemia, non obstante, en países como Estados Unidos a infección por este virus non é endémica, aínda que existen rexistros de varias persoas que traballan en contacto directo con primates e que adquiriron a infección polo tipo Ébola-Reston; afortunadamente, este tipo de virus non demostrou efectos patoxénicos en seres humanos. Outras persoas en risco potencial son os traballadores de laboratorio que traballan con animais infectados ou con cultivos do virus en tecidos.

  39. fab-miguelpineiro di:

    Normalmente chámaselle pandemia á propagación mundial dunha nova enfermidade.
    Prodúcese unha pandemia de gripe cando xorde un novo virus gripal que se propaga polo mundo e a maioría das persoas non teñen inmunidade contra el. Polo común, os virus que causaron pandemias con anterioridade proviñeron de virus gripais que infectan os animais.
    Nalgúns aspectos a gripe pandémica parécese á estacional, pero noutros pode ser moi diferente. Por exemplo, ambas as dúas poden afectar a todos os grupos de idade e na maioría dos casos causan unha afección que cede espontaneamente e vai seguida dunha recuperación completa sen tratamento. Non obstante, polo xeral a mortalidade relacionada coa gripe estacional afecta sobre todo aos anciáns mentres que outros casos graves afectan a persoas que padecen unha serie de enfermidades e trastornos subxacentes.
    Tanto no caso da gripe estacional coma da pandémica o número de persoas que enferman gravemente pode variar. Aínda así, a gravidade ten a ser máis frecuente nesta última debido en parte ao número moito maior de persoas que carecen de inmunidade fronte ao novo virus. Cando se infecta unha gran parte da poboación, aínda se é pequena a porcentaxe dos que padecen a enfermidade grave, o número total de casos graves pode ser moi elevado.