Heroína en ratas?

Unha vacina experimental conseguiu anular o efecto da heroína en ratas. O composto desenvolvido por The Scripps Research Institute, que o publican en PNAS, consegue unha resposta inmune contra a droga e varios dos subprodutos nos que esta se descompón. “Cando a ratas adictas á heroína se lles priva da droga, normalmente volven consumila compulsivamente cando se lles dá acceso outra vez, pero a nosa vacina impide que isto suceda”, dixo George F. Koob, codirector do traballo.

Activar o sistema inmunolóxico para que impida que as drogas cheguen ao cerebro é unha vella aspiración. Pero, entre outros problemas, está o feito de que os compostos que actúan no cerebro son en xeral pequenos e difíciles de detectar polo sistema inmunitario. O truco desta vacina está en que se uniron as moléculas que deben producir a resposta inmune a cadeas proteicas maiores. Deste xeito non eluden ao sistema inmunitario, e este acostúmase a reaccionar contra elas. Esta é a idea que se usou tamén noutras vacinas que se están a ensaiar, como as da cocaína e a nicotina.

Ensaios anteriores realizados polo mesmo instituto demostraran que cando se administraba este prototipo de vacina a ratas, tres de sete non acudían a por unha dose de heroína, o que quería dicir que non notaban os seus efectos aditivos. Esta vez o ensaio centrouse en animais que xa aprenderan a administrarse unha inxección de heroína. Para iso debían premer tres veces unha panca.

Autora: Sonia Porto Rivas

Esta entrada foi publicada en Avances médicos, Saúde e etiquetada , , . Garda o enlace permanente.

21 Responses to Heroína en ratas?

  1. fab-paulodiaz di:

    A heroína é un derivado da morfina, unha droga semisintética, orixinada a partir da adormidera, da cal se extrae o opio. O compoñente activo desta droga é a denominado diacetilmorfina. Ademáis, foi sintetizada por primeira vez a finais do século XIX e principios do XX. Surxíu inicialmente cun uso terapéutico, aínda que agora utilízase como droga de abuso.
    Paréceme unha interesante investigación; véxoo como un dato moi curioso.

  2. faa-lidiamartinez di:

    A heroína é unha droga opiácea feita a partir da morfina, unha substancia natural que se saca da bellota da amapola. A heroína soe presentarse en forma de polvo branco ou marrón, ou como unha substancia negra e pegagosa conocida como alquitrán negro.
    Despois de inha inxección intravenosa de heroína o consumidor pasa por un estado de euforia, confusión mental e pesadez das esxtremidade seguido dunha sensación de estar voando nun estado que se alterna entre estar desperto e adormecido.
    Co consumo regular da heroína desenvólvese a tolerancia á droga, na que o consumidor cada vez necesitará dunha maior cantidade de heroína para obter os mesmos efectos. Calcúlase que o 23% dos consumidores vólvense dependentes desta droga.

  3. faa-jessicacalo di:

    A heroína metabolízase en acetilmorfina que chega ao cerebro e é a gran responsable do efecto da heroína. A vacuna segue a droga mentres é metabolizada e elimina as substancias químicas lonxe do cerebro.
    Tamén hai grandes avances de vacunas contra a nicotina e a cocaína que pronto saldrán á luz e serán de gran axuda para aqueles dispostos a eliminar a adicción de ditas drogas.

  4. fab-paulodiaz di:

    Estiven buscando máis información. As analíticas demostraron que a vacina consigue eliminar a heroína e a 6-acetilmorfina do sangue, polo tanto, non chegan a o cerebro. En cambio, non actúa contra algúns dos tratamentos paliativos, como a metadona ou a buprenorfina, polo que ambas estratexias (vacuna e fármacos) serían potencialmente utilizables en humáns se os ensaios, probas, e investigacións, chegan a tal punto.

  5. faa-marinaduran di:

    E moi interesante este vacina, pero se non se consumira heroína, non tería que existir este tipo de solucións. Pero grazas a esta vacina, poderíase mellorar moitísimo a desintoxicación de drogaditos, e con isto disminuir en gran porcentaxe a drogadicción. Polo que penso que un avance importante e práctico.

  6. fab-ireavinas di:

    A heroína é unha droga obtida da síntese do extracto de opio que procede da durmideira, coa que se elabora a morfina que logo se somete a un proceso para obter a heroína. Debido ao consumo regular da heroína desenvólvese a tolerancia á droga.
    Penso que é unha investigación interesante e que podería dar moitos logros.

  7. fab-danielsomoza di:

    A estructura das proteinas combina as propiedades do arranxo espacial das moléculas de proteínas que xorden a partir da súa secuencia de aminoácidos, as características físicas do medio ambiente e na presenza de compostos simples ou complexos, que estabilizan e / ou conducen a un dobramento específico.

  8. Raquel Martínez di:

    Como ben di Mariña, esta vacina, se se lograse o seu efecto en persoas, podería axudar á desintoxicación de moitos dependentes de drogas como a heroína á vez que diminuiría tamén os número de usuarios drogadictos.

  9. Raquel Martínez di:

    Segundo lin eu, nun ensaio, as ratas adestradas para pulsar unha panca tres veces para conseguir unha inxección de heroína, pasaron por sesións de “adestramento de extinción”, nas que a panca xa non daba la inxeccións. Entre as ratas que non recibiran a vacina, unha soa inxección de heroína podía facer que a rata volvese a buscar a panca para acceder á droga (igual que a recaída das persoas na heroína) pero que foron vacinados non puideron reiniciar a búsqueda da panca.

    Noutra proba, as ratas que eran moi adictas á heroína e estaban tomando cantidades que poderían ser letais, víronse obrigadas a absterse durante 30 días antes de ter acceso de novo á droga. Nas ratas que tomaran unha vacina ficticia, o consumo volveu e retomouse nun consumo compulsivo, mentres nas vacinadas non se volveu á adicción.

  10. faa-soniaporto di:

    A heroína é unha droga ilegal altamente aditiva. Non só é o opiáceo de máis abuso senón que tamén é o de acción máis rápida. A heroína procésase da morfina, substancia que acontece naturalmente e que se extrae da landra de certas variedades de papoulas ou durmideiras. Tipicamente véndese en forma de po branco ou marrón, ou como unha substancia negra pegañenta coñecida na rúa como “goma” ou “alcatrán negro”. As persoas que abusan da heroína non saben a forza real da droga ou o seu verdadeiro contido, corren o risco dunha sobredose ou de morrer. A heroína tamén presenta problemas especiais debido á transmisión do VIH e outras enfermidades que pode acontecer ao compartir as agullas ou outros equipos de inxección.

  11. faa-fabiolaalbornoz di:

    A heroína é un derivado da morfina. O fármaco foi comercializado como un sedante para a tos e para substituír a morfina pensando que era menos adictiva. Esto facilitouse polo feito de que se creía que a heroína, producía menos euforia que a morfina.

  12. faa-saramarino di:

    A invención desta vacina paréceme fascinante. Con ela, poderíanse desenganchar as persoas adictas á heroína, unha das drogas máis adictivas de todos os tempos e unha das máis díficiles de deshabituar. Aínda que a heroína non é unha das drogas máis consumidas na actualidade, supoño que por desgraza aínda habrá algunhas persoas adictas a ela e, xa que a deshabituación desta droga é un proceso moi duro e na maioría dos casos acaba no fracaso, a vacina poderíalle arranxar a vida ós que cometeron este enorme erro. Se logran inventar unha vacina que poida eliminar a adicción en drogas más habituais actualmente,como a cocaína ou as anfetaminas, moitas persoas terán unha segunda oportunidade na vida.

  13. faa-bertaferreiro di:

    Penso que esta vacina serviría para preevir o consumo da heroína. Pero se unha persoa xa depende desta droga non lle iba a axudar a deixala porque o que fai esta vacina é anular os efectos da heroína polo tanto a persoa seguiría tendo a necesidade de consumir heroína.

  14. faa-cristinaporto di:

    O sistema inmune ten o propósito de manternos con vida desenvolvendo a nosa calidade biolóxica, anímica e espiritual, baixo as sempre cambiantes condicións do medio ambiente.El sistema inmunolóxico é a función máis conectada coas leis naturais que responden á Orde do Universo.
    O sistema inmunitario é a nosa salvagarda na relación que mantemos co medio. Se o sistema inmunitario está alto a persoa pode estar en contacto con alérgenos e non ser alérxico, con xermes e non ter infeccións, con canceríxenos e non ter cancro.
    A medicina moderna consideraba “afuncionales” moitos órganos do sistema inmunitario, o que facía que se extirpasen sen ningún problema, como as amígdalas, adeniodes, apéndice, enganos, bazos, crendo que estas estruturas eran inútiles e que ocupaban un lugar porque si.
    Ao igual que o sistema nervioso, o sistema inmunitario é capaz de aprender, analiza as súas experiencias, recórdaas e as trasmite ás futuras xeracións de células. Debido a que os seus tecidos son moi activos as súas células divídense con moita rapidez e polo tanto están expostas a sufrir danos que poidan mudar o ADN”.
    O sistema inmune sería algo así como o operador que determina un tipo de intelixencia en todo o organismo psicofísico dun individuo. É importante ter en canta aquilo de que existe unha intelixencia propia e natural no ser humano que nos leva a un estado de saúde e harmonía. En función do dito anteriormente poderiamos dicir que o sistema inmunitario actúa intelixentemente dando a posibilidade ao organismo, se este está ben coidado, de volver sempre ao seu estado de equilibrio.
    Neste sentido vale ter en conta o que acontece co contacto cos químicos a través de tanta inxestión de medicamentos, químicos que forman parte dos alimentos que inxerimos, de todo o que aspiramos, ademais da contaminación electromagnética.
    Tanta química está a destruír o noso ADN, mudándoo, co cal é imposible a adaptación ao medio circundante, xa que se está a modificar a estrutura propia do ser humano, e esa inadaptación, baixa o noso sistema inmune, ao baixar o sistema inmune, todos os sistemas se ven debilitados e o sistema xeral, que é o corpo-mente humano, debilítase, dexenerándose e xerando en consecuencia as enfermidades epidemia da que é vítima nosa civilización.

  15. faa-jessicacalo di:

    A estrutura das proteínas reúne as propiedades de disposición no espacio das moléculas de proteína que proveñen da súa secuencia de aminoácidos, as características físicas do seu entorno e a presencia de compostos simples ou complexos que as estabilicen ou conducen a un plegamento específico.
    A predicción da estrutura das proteínas é moi importante en mediciña (no deseño de fármacos, por exemplo) e biotecnoloxía (no deseño de novas enzimas, por exemplo.

  16. fab-lauraaragunde di:

    A vacuna consegue separar a droga en varios compoñentes que, en vez de afectar ó cerebro, quedanse atascados no torrente sanguíneo e ao non chegar ó cerebro, a heroína deixa de ter efectos extremos no individuo. Por exemplo, a vacuna xa non lle permite á heroína reducir a sensación de dor no corpo.
    As ratas adictas á heroína xa non mostraban interés en tomar novamente heroína tras serlles administrada esta vacuna.

  17. faa-bertaferreiro di:

    A heroína é unha droga semisintética, isto quere dicir, que se orixinan pola síntese doutras drogas. No caso da heroína, é un derivado da morfina. O compoñente activo responsable dos efectos desta droga é a diacetilmorfina.
    Esta substancia foi usada como un medicamento a finais do século XIX principios do XX. Actualmente o seu uso está prohibido en moitos países por abusar dela e convertirse nunha droga.

  18. fab-rociorivas di:

    A búsqueda da vacuna contra a heroína leva en investigación e desenrolo dende 1990 polos científicos do TSRI. O problema, según puderon comentar os investigadores, é que ¡as estructuras das moléculas da droga son demasiado pequenas e simples como para estimular o sistema inmunitario o suficientemente, polo que os científicos descubriron que poden superar este obstáculo mediante a colocación duns fragmentos clave de moléculas de droga a proteínas portadoras inmunes.

  19. faa-chusaguin Aguín di:

    A heroína é unha sustancia sintetizada por primera vez no século XIX, que surxíu inicialmente para empregala como medicamento. Actualmente, o seu uso na maioría dos países é dunha droga de abuso. Pero si efectivamente está en exprimentación esta vacina, considero que é un moi gran avance, para máis, para as persoas que dependen desta droga.
    A heroína caracterízase por producir unha dependencia psicolóxica e física a un rimo moi acelerado.

  20. faa-raulmartinez di:

    A heroína é unha droga ilegal sintetizada a partir da morfina, por primeira vez no S.XIX e con usos mediciñais.
    É unha das sustancias que maior drogodependecia crea, e por iso dende hai varias décadas os investigadores trataban de buscar a solución.
    É algo bastante interesante o descubrimento desta vacina pero drogadictos vai habelos igualmente.

  21. Victor di:

    Se tedes conta en facebook, ide á seguinte páxina:

    http://congresooceantica.campusdomar.es/

    e votade polos traballos dos vosos compañeiros do Asorey que participan neste concurso