Papiroflexia e química?

A papiroflexia é a arte xaponesa baseada na pregadura do papel, unha arte que se pode asociar non só coa idea de entretemento, senón tamén de aprendizaxe. A miúdo asóciase a papiroflexia coa habilidade de poder construír curiosas figuras que destacan non só pola súa dificultade ou orixinalidade senón tamén polo seu carácter decorativo. Pero cabe destacar que esta presenta, tamén, unha aplicación didáctica. No ámbito científico a papiroflexia pode utilizarse en diferentes disciplinas, como na montaxe de figuras xeométricas en matemáticas, na posibilidade de plasmar con papel pregado conceptos biolóxicos ou na construción de moléculas no campo da química.
Unha variante desta arte é a papiroflexia modular, baséase en que poder entrelazar varias unidades iguais de papel pregado e formar estruturas máis grandes.  É precisamente esta particularidade a que, aplicada á química, permite obter moléculas que poden ser unha axuda na aula para explicar as súas propiedades, ou ser un claro reclamo en actividades de divulgación da ciencia.
Por outra parte, a papiroflexia tamén foi mencionada nunha noticia que publicou hai uns meses a Universidade de Texas, onde se presentaba a posibilidade, que un sensor de papel en 3D puidese probar de xeito económico enfermidades como a malaria e o VIH. Este sensor de papel, inspirado na papiroflexia, foi creado polos químicos Hong Liu and Richard Crooks.
Xa sexa no campo do ensino, a divulgación ou a investigación, hai bastantes exemplos que demostran que ciencia e papiroflexia poden ir unidas para lograr un obxectivo común. E é que construír grandes estruturas axuda cando algúns conceptos científicos son percibidos como abstractos e difíciles de entender por presentar características de medidas pouco accesibles. A papiroflexia acompañada dunha explicación segundo idades e temario é un punto de encontro entre entretemento e aprendizaxe.

Autora: Cristina Porto Rivas

Esta entrada foi publicada en Xeral e etiquetada . Garda o enlace permanente.

6 Responses to Papiroflexia e química?

  1. faa-marinaduran di:

    Parénme moi interesantes estas utilizacións da papiroflexia que descoñecía.
    Papiroflexia é o nome co que coñecemos este arte en España, pero a palabra oriental é Origami, e outra palabra para definilo é cocotoloxía.
    O único que se empregan é papel e manos, sen tesoiras nen pegamento.

  2. faa-noar di:

    Penso que ningún de nós pensara nunca na papiroflexia como algo tan importante. Todos algunha vez fixemos, a modo de entretemento, algunha destas figuriñas de papel tan peculiares. Non obstante, nunca pensaramos que o que para nós é “un xogo”, no que ademais so se emprega algo tan simple coma o papel, puidese chegar a ser utilizado para algo tan importante como a malaria e o VIH.

  3. Raquel Martínez di:

    A verdade é que nunca pensei que a papiroflexia se puidera aplicarse no campo da ciencia, pero é algo moi interesante, como o arte pode ser utilizada para outras cousas ademais de adornar e demais.
    A papiroflexia é unha arte xaponesa que consiste no pregado de papel, sen utilizar tesoiras, pegamento ou grapas, para obter figuras con formas variadas.

  4. faa-bertaferreiro di:

    Nunca se me ocurreu pensar que a papiroflexia, arte xaponesa que se basea en pregar o papel e realizar diferentes figuras, se poidese relscionar ca química. Pero vexoa moi práctica para a ensinanza da química e para facela tamén máis comprensible.

  5. faa-irenetroncoso di:

    Pareceme interesante que a papiroflexia poida ter máis aplicacións sobretodo na química ou que puidese utilizarse para algo como a malaria e o VIH e eu que nun principio sempre o vin máis ben como un xogo. Pero vexo que pode chegar a ser moi práctica

  6. fab-carlaseren di:

    As aplicacións que ten a papiroflexia no campo cintifíco como na montaxe de figuras xeométricas en matemáticas, na posibilidade de plasmar con papel pregado conceptos biolóxicos ou na construción de moléculas no campo da química pareceme un descubrimento moi interesante e moi útil para a aprendizaxe.