O ‘Curiosity’ mans á obra

O robot explorador ‘Curiosity’ foi lanzado o 26 de novembro de e aterrado en Marte o 6 de agosto de 2012 co obxectivo de determinar se existiu vida algunha vez en Marte, caracterizar o seu clima , determinar a súa xeoloxía e prepararse para a exploración humana. Este robot está a prepararse para perforar nas próximas semanas unha rocha marciana por primeira vez desde que aterrou no Planeta Vermello hai cinco meses, segundo informou hoxe a NASA.

O robot probará o taladrador que leva incorporado para recoller mostras dunha rocha estriada.  Esta perforación na rocha non se fixo nunca ata agora en Marte. O científico indicou que o taladrador, ao perforar a rocha marciana, interactuará cun material que “non podemos controlar” e asegurou que non lles sorprendería si algúns pasos no proceso non van exactamente como o tiñan previsto. Curiosity xa se dirixe a un lugar denominado ‘Yellowknife Bay‘, un terreo situado a 500 metros onde aterrou, cunha composición diferente, xa que se cre que se trata do leito dun río seco que permitirá aos científicos analizar novos materiais. O robot chegará ao punto marcado nos próximos días e espérase que a operación comece en dúas semanas.

Autora: Raquel Martínez Pillado

Esta entrada foi publicada en Investigación espacial, Universo e etiquetada , , . Garda o enlace permanente.

28 Responses to O ‘Curiosity’ mans á obra

  1. Victor di:

    En que pensades que pode estar o interese de coñecer un planeta como marte?

    • faa-raulmartinez di:

      Os intereses actuais son a existencia de auga, debido a que é un recurso vital, e con ela a posibilidade de crear colonias e habitar neste planeta. Tamén interesa a posibilidade de existencia de formas de vida extraterrestres. Tamén penso que pode existir un tipo de interese material en xacementos de recursos de marte, xa que é un planeta totalmente sen explotar.

    • fab-carlaseren di:

      O interese que ten coñecer un planeta coma Marte é saber se pode haber vida nel ou se é habitable para a raza humana, para iso, fanse estudos e o principal é saber se hay auga porque é esencial para a vida.

    • fab-estelapadin di:

      Teñen interés en saber se en Marte existe a auga e se dentro de certo tempo se poderá vivir alí.

    • faa-saramarino di:

      Ó igual que os meus compañeiros,penso que o motivo de interese principal e saber se hay recursos esenciales para a vida nese planeta, para que nun futuro se puidese chegar a vivir nel. Tamén penso que interesa descubrir cousas novas e extrañas ata o de agora e para coñecer ben o que é descoñecido.

  2. Raquel Martínez di:

    O posible interese é que se coñecemos ben un planeta que está cerca do noso e o analizamos, ademais de saber se hai vida nel, podemos estar un pouco máis cerca de saber a posibilidade de que haxa seres vivos noutros planetas. Ademais diso, se as condicións nolo permiten, poderiamos chegar a orixinar vida nel ou outras cousas que polo de agora descoñecemos e que, coa investigación, poderemos coñecer.
    Moita xente cree que poderiamos chegar a vivir nel como último recurso se a Terra se volve inhabitable, cousa que na actualidade non é posible, pero, quen sabe se nun futuro se chegaría a conseguir…

  3. faa-lidiamartinez di:

    Eu creo que un dos principais intereses en coñecer un planeta como Marte é o da posibilidade de que exista vida nel, e tamén saber como son as condicións que existen nese planeta, coa posibilidade de que nun futuro poidamos oirixinar vida nel.
    Marte, despois da Terra, é o planeta co clima máis apto para a vida, e isto lévanos ao gran interese por coñecer o planeta.

    • faa-raulmartinez di:

      Non estou de acordo con Lidia cando afirma que Marte é o planeta máis apto para a vida despois da terra porque o planeta máis semellante ao noso coñecido ata agora é o Gliese 667C e hai outros tamén moi semellantes como o HD 85512b e o Kepler-22b e son máis aptos para a vida humana que Marte.
      Marte é o planeta máis apto para a vida humana despois da terra, pero contando solo os deste sistema solar.

  4. faa-albacastro di:

    Eu penso que o interese en coñecer Marte é principalmente para saber si houbo ou hai vida nel, se tivo auga e as condicións para que nun futuro poidan establecerse nel humanos. E tamén por suposto por curiosidade científica de coñecer este planeta xa que ainda está sen explorar.

  5. faa-marinaduran di:

    Ó interese en coñecer un planeta como Marte, pode ser para analizar as características que o diferencian do noso, no que se semellan, que relación hai entre ambas.. E con axuda diso podemos empezar a desenvolver ideas máis complexas, como a posibilidade de vida nas condicións de Marte, que ou pode ser coma a nosa ou pode ser diferente,mesmo pode ser imposible que poida ser habitado.Pero na miña opinión, aparte dos grandes posibles avances científicos que pode ter ó coñecemento de Marte, tamén é interesante estudalo por saber o que nos rodea,xa que somos menos que unha ínfima parte do universo e aínda hai moito(moitísimo) por estudar e coñecer sobre el.

  6. fab-ireavinas di:

    O interese en coñocer Marte dende o meu punto de vista está na necesidade do home en saber a verdade, debido a que os humanos creamos toda unha serie de teorías e mitos de Marte sobre supostos marcianos que facían visitas a distintas partes da Terra.
    A partir de todos estos produtos da nosa imaxinación foise xerando un gran interése no planeta vermello e na posibilidade de facer contacto con outras intelixencias.

  7. fab-lauraaragunde di:

    Marte foi sempre un elemento astronómico de interés que formou parte da mitoloxía en numerosas civilizacións, pero desde fai unha década, o seu estudo encóntrase na primeira línea de toda investigación punteira. Saber máis sobre este planeta axudaranos a coñecer máis e mellor a formación do noso planeta Terra, a orixe da vida e, porqué non, a evolución dos planetas terrestres.
    Coñecer a historia do planeta Marte, a súa xeoloxía, a orixen, a existencia de agua en superficie ou no subsuelo, a búsqueda de formas primitivas de vida, etc., son cuestións de gran interese para a ciencia que permitirán coñecer mellor o noso planeta e todo o Sistema Solar.

  8. fab-ivangomez di:

    O estudo de Marte,o planeta roxo,estase a realizar para poder descubrir os secretos dese planeta,se existe auga,se hai vida extraterrestre que o habita,ou si ten algún xacemento interesante.Ademais,de momento é o único planeta que estamos a explorar,polo que si por calquera razón o noso planeta deixa de ser habitable,debido ó calentamento global ou a calquera fenómeno da natureza,é o único lugar a onde nos poderiamos ir a vivir,e o máis cercano a nós.

  9. fab-estelavilanova di:

    Os intereses por coñecer un novo planeta, xa sexa Marte ou calquera outro do noso sistema solar, é posiblemente o ímpetu e ganas por obter máis información sobre o descoñecido e saber se realmente existe vida fóra da Terra, cuestións que interesan a todo ser humano.

  10. Victor di:

    Estamos apasar por un duro momento de crise económica; credes que adicar cartos á investigación espacial neste momento é un despilfarro?

    • faa-angelf di:

      Tanto como un despilfarro non o considero, pero si como un uso dos orzamentos indebido para os tempos nos que nós vimos atopando dende hai uns cantos anos. Penso que hai sitios máis recomendables e con necesidade de diñeiro para poder aflorar as políticas de benestar. E encanto isto se recupere son o primeiro en estar a favor de investir en avances médicos, astrolóxicos, científicos etc, que como todos sabemos a nanotecnoloxías é o futuro.

    • faa-bertaferreiro di:

      Bueno no estamos no mellor momento, pero considerar a investigación espacial como un desperdicio tampouco penso que sexa así. O que penso é que hai que ter claro que tipo de investigación se quere levar a cabo, si é para innovar e mellorar as cousas está ben. Pero nestes momentos de crise igual eu non invertiría moitos cartos nese sector, intentaria resolver necesidades básicas antes como na sanidade e na investigación que ten que ver con ela ou a educación.

    • faa-jessicacalo di:

      Non considero que invertir cartos en calquera sector de investigación sexa un despilfarro, pero en estos momentos penso que hai que ter en conta que é e que non é o esencial e beneficioso para a humanidade. Opino que en este momento asobállanos unha grandisima crise a nivel mundial na cal hai que medir moi ben os pasos económicos que damos. Quizás non era o mellor momento para esta inversión e quizás estaría mellor outra que influíse máis directamente a toda a humanidade, pero tamén é verdade que é un paso importante para a investigación espacial e a tecnoloxía do futuro.

    • faa-fabiolaalbornoz di:

      Non creo que se trate dun despifarro exactamente pero penso que quizáis hai uputros que necesitan con máis urxencia os cartos para a investigación. A exploración de Marte podería esperar.

  11. fab-alexandregrandal di:

    Un despilfarro non, nunca é un despilfarro invertir en coñecemento, pero si un risco cando a necesidade de beneficio a curto prazo e tan apremiante. De todos xeitos a colaboración con outros países máis desenrolados na carreira espacial penso que é rentable xa que a experiencia coa que estos países contan sería un bo apoio para profundizar na investigación espacial.

  12. faa-marinaduran di:

    Non penso que a palabra axeitada sexa “despilfarro”, pero é certo que non é imprescindible, e nos momentos de crise as necesidades básicas son o primordial. Tampouco se debería abandonar estes estudos cada vez que non sobrasen os cartos (se é que esa situación é posible nun país), xa que senón dubido que se poidese investigar moito. Debido a súa importancia tanto a nivel científico como humano, creo que poderían ser as unha boa inversión cando a crise económica finalice.

  13. faa-lidiamartinez di:

    Estou de acordo cos meus compañeiros. Non é un despilfarro invertir diñeiro en investigación, mais neste momento hai moita xente que o está pasando realmente mal e sabemos que neste tipo de investigacións se gastan moitos cartos, que agora mesmo moitos necesitarían simplemente para poder comer. Por iso estas investigacións sería mellor realizalas cando a criste finalice e todo vaia a mellor.

  14. Victor di:

    ACABA DE ABRIRSE UN NOVO FORO POR UN PERÍODO DE 10 DÍAS. PODEDES INTERVIR CANDO QUEIRADES.
    SE ALGUÉN QUERE UTILIZAR ESTA NOTICIA PARA FACER UN ARTIGO PARA A BUXAINA, QUE MO COMUNIQUE POR CORREO ELECTRÓNICO.

  15. fab-ivangomez di:

    Neste momento estamos pasando por un apuro económico,o que provoca unha serie de recortes,pero penso que os cartos que se destinan a investigación espacial están ben invertidos,porque en cada viaxe que se realiza sempre se realiza algún descubrimento,e en calquer momento podemos descubrir un novo mineral ou algo que nos axude para seguir investigando e mellorando as nosas tecnoloxías.

  16. fab-danielsomoza di:

    Estamos a pasar un mal momento económico pero non é un despilfarro de cartos xa que hay que apostar polos avances para sair de momentos de crise e a solución podería estar en invertir en industrias aeroespaciales para que esos avances cheguen a nos.

  17. Victor di:

    As viaxes a Marte poderíanse facer en calquera momento do ano ou habería que agardar determinados momentos máis propicios?

  18. fab-ivangomez di:

    Imaxino que antes de realizar calquera viaxe,os técnicos teñen que revisar o camiño por onde ten que pasar a nave,para asegurarse de que non hai algun perigo para a nave,como por rxemplo un campo de asteroides,de maneira que as viaxes non se poden realizar en calquera época do ano,realizaranse cando as condicións o permitan.

  19. faa-ismaelrodriguez di:

    Non se debe estar en contra deste tipo de investigacións, pero creo que non é o momento máis oportuno para facelo, deberíanse solucionar primeiro os problemas que temos aquí, que de momento son os que nos afectan a nós.