Pingüíns “gays”?

Unha parella de pingüíns machos do zoolóxico de Harbin, en China, é famosa por haber intentado varias veces roubar os ovos doutras parellas “heterosexuais”  dentro do parque. Pero por fin lograron o seu soño, xa que  un pingüín femia  do mesmo recinto tivo dúas crías e ante a dificultade de poder crialas, tendo en consideración que o normal é ter unha soa cría por parto, déuselles en adopción á parella de “homosexuais”, que fai aproximadamente tres anos tiveron outros intentos frustrados de roubar ovos a outras parellas.

Segundo os expertos, dita adopción non suporía ningún tipo de problema dado  que os pingüíns macho teñen un instinto maternal moi desenvolvido e por elo, son eles os que soen incubar os ovos (en estado salvaxe) durante 25 días. Tamén cabe destacar a fidelidade de estes animais, que manteñen a mesma parella durante o resto das súas vidas o que é motivo de que os coidadores do zoolóxico os deixasen estar xuntos. A “homosexualidade” entre pingüíns é frecuente e este mesmo caso ocorreu hai aproximadamente dous anos nun zoolóxico de Alemaña.

Pero é necesario xustificar a naturalidade da homosexualidade como compartamento instintivo dos animais? Ou é que a sexualidade dos animais non é tan distinta como parece á das persoas?

Autora: Sandra Romero

Esta entrada foi publicada en General e etiquetada , , . Garda o enlace permanente.

45 Responses to Pingüíns “gays”?

  1. Victor di:

    HAI UN NOVO FORO ABERTO -PROPOSTO POR LUCÍA SANTOS-
    PERMANECERÁ ABERTO DURANTE 10 DÍAS

  2. faa-iagogonzalez di:

    Este tema, paréceme moi interesante,xa que non só son os humanos os que poden chegar a querer a alguén do seu mesmo sexo, senón que se da tamen en moitos tipos de animais.O maior problema é a imposobilidade de crear descendencia propia, ainda que sempre lles quedara a opción de adoptar as crias doutra parella ao igual que ocorre neste caso.

  3. fab-raquelblanco di:

    Os animais tamén teñen sentimentos coma os humanos, senten felicidade, dor, tristeza e amor. Se os humanos nos podemos namorar, porque non o resto de animais? Se os humanos nos podemos namorarnos dunha persoa do mesmo sexo que o noso, porque non o resto dos animais?
    Os animais tamén lle collen cariño a outros da súa especie e sen selo, e poden chegar a dar moito máis cariño que un humano.

    • Victor di:

      Non está demostrado que os animais teñan sentimentos.
      O que si está claro é que os humanos somos animais.

      • fab-isaacabal di:

        Poida que non se haxa demostrado que os animais teñen sentimento, pero eu estou seguro de que o meu canciño quere moito, e iso son sentimentimentos. Ademáis cando una nai ten un fillo, xa sexa unha leona ou unha cadela, coida moitisimo os seus fillos, en en moitos casos se lles morre un fillo, levanno morto con elas durante dias, porque non asumen a sua morte.

      • fab-antiachantada di:

        Este tema é moi interesante e estraño xa que eu nunca pensín que os animais puideran ter sentimentos de ese tipo pero aínda así se os humanos podemos namorarnos e hai moitas situacións de homosexualidade porque os animais? Xa que en realidade, os humanos somos animais.

      • faa-fernandogarcia di:

        Certo, non está confirmado que os animais (ademais dos humanos)teñan sentimentos, pero, dende un punto de vista moi biolóxico, estes non son máis que sensacións que notamos tras un complexo proceso neurolóxico partindo dun determinado estímulo. Pode que non sexan tan desenvolvidos e complexos como nos humanos, pero é moi probable que animais cun certo grao de intelixencia teñan sentimentos.

  4. faa-antoniomrodino di:

    Para min, este caso de homosexualidade é algo somprendente xa que non me imaxinaría que en animais coma os puinguíns ou outros semellantes se desen casos deste tipo, pero agora que o penso lle dou a razón a Raquel. Por que non os animais, tendo sentimentos como teñen, non poden namorarse, xa sexa dun membro de sexo oposto ou do mesmo sexo? Como di Iago, o problma está a ora da súa descendencia, pero como estes casos non son moi abundantes, malo sería non poder facerlle o mesmo que se lle fixo a esta parella.
    Finalmente, espero que as persoas que non estén en favor das parellas homosexuais poidan comprobar que iso non é soamente cousa desas parellas, se non que lle ocorre tamén a outros animais, polo que respondendo á pregunta diría que é un comportamento instintivo destes, e ambas as sexualidades ( en animais e persoas) son semellantes.

  5. Victor di:

    Os animais non teñen sentimentos. Non confundades o amor (sentimento) coas tendencias sexuais (son innatas nos animais de reproducción sexual).
    Os animais nos seus comportamentos non lles preocupa o que pensen os demais da súa especie.
    Seguide expresando a vosa opinión con respecto a esta temática paro tende en conta o que digo neste comentario.

  6. faa-damianlores di:

    Paréceme un tema curioso, pero creo que esa parella de pingüíns gays, non teñen futuro, eu creo que é algo temporal. Ademais sería un gran problema, xa que é imposible obter descendencia desta parella de pingüís. Non estou dacordo con Antonio e Raquel según o meu punto de vista, creo que os animais actúan exclusivamente por instintos e habilidades aprendidas.

    • Victor di:

      Damián, véxote moi relixioso; é que ti pensas que a sexualidade ten como única finalidade a procreación?

      • faa-damianlores di:

        En certa medida eu creo que sí, eu creo que a sexualidade basease fundamentalmente polo instinto animal, procreando nas súas épocas co obxetivo de ter fillos e conservar a especie. Sendo solo nalgunhas épocas do ano, cando xeralmente a femia esta en celo.

        • faa-victorinosouto di:

          Damián en certa medida estou de acordo contigo que a sexualidade e o medio de procreación, pero isto non creo que sexa un empedimento para que axa unha parella de unha especie dun mesmo sexo. Eu xa sabía que había moitos animais que a o igual ca o home sentian atración por unha parella do seu mesmo sexo, un exemplo e o burro oxe en día non se ven moitos por Galicia pero na miña casa sempre escoitei que o burro cando se encontraba con outro, moitas veces querianse emparellar. Temos que ter en conta que os animais a o igual ca o home actuamos a través do aprendido pero isto non creo que se apranda cando somos pequenos senón que xa nacemos con el.

  7. fab-sandraromero di:

    Os seres humanos e animais non somos tan diferentes como parece. Calquera nai sente enseguida o “instinto maternal” que fai que os seus fillos se convertan no máis importante da súa vida e elas saben que é o millor para os seus fillos. Protexer aos bebés, darlles alimento e cariño son conductas que non varían entre as persoas e os animais.

  8. faa-paulagondar di:

    Na miña opinión, non é precisamente que os animais teñan sentimentos como os temos nós, pero está demostrado que estos tamén sinten amor, medo, alegría, enfado… En calquer caso, non é comparable a maneira de sentir que ten un ser humano e un animal. Un animal actúa por institntos, non se deixa levar polos sentimentos, como facemos nós. Por exemplo, está o caso dalgúns animais que comen as súas crías, estudos din que isto débese á malformación destas, xa que con malformacións non podrían sobrevivir ben. Un humano, en cambio, nin se lle pasaría pola cabeza matar ó seu fillo por moi deformado que saíse.

  9. fab-alvarolopez di:

    Na actualidade o tema da homosexualidade xa vén sendo algo normal, pero nos animais xa non o é tanto. Pero xa que os pingüíns machos en estado salvaxe incuban os ovos 25 días co conseguinte instinto maternal pois non é tan raro que queiran ter un ovo esta parella de pingüíns.

    Respondendo á pregunta formulada no post pola nosa compañeira Sandra penso que os animais non sinten coma nos e que seguen instintos lóxicamente animais.

  10. fab-isaacabal di:

    Estou totalmente de acordo con Sandra, salvo que non é que nos parezamos ós animais, senon que nos somo animais e moitas conductas compartimolas instintivamente.

  11. fab-amadeoabal di:

    Nun encontro recente en Washington, os expertos mundiais da Asociación Smithsoniana, que debatían esta cuestión, señalaron que os animais teñen emocións e non sentimientos, porque carecen de autoconciencia.
    Estudos realizados no cerebro de varias especies, especialmente nas mascotas, revelan ademáis que poden enamorarse. Áreas tan distantes como a etoloxía (comportamento animal)e a neurobiloxía respaldan esta creencia popular. E por si faltaran fundamentos, outras pruebas con animais domésticos aportan o seu: perros que se deprimen e que poden chegar a morrer logo de perder a un compañeiro amado.Na miña opinión eu creo que os animais teñen sentimentos porque pódense enamorar,deprimir…

  12. fab-raquelblanco di:

    Non a sexualidade non ten como finalidade a procreacción , xa que hoxe en día unha parella de homosexuais pode ter un fillo adoptado.
    Entonces como di Damián as persoas só estan xuntas para ter fillos? Non, estan con unha persoa porque á queren, porque hai moitas parexas de heterosexuais que non teñen fillos.
    Como tiveramos que vivir todos como di a relixión sería o fin, nadie podría facer o que quixera.

  13. faa-breixoalonso di:

    Os pinguinos non son a unica especie na que se presentan parexas homosexuais, hai moitas outras como: o bisonte americano, algunhas especies de simios, o delfin nular, os elefantes, hiena manchada, a xirafa,os lagartos, os leons, as livelulas, as obellas,chinches e diversas aves como é o caso do cisne negro. Este ultimo animal é para min o caso que mais me sorprendeu xa que un cuarto das parexas de cisnes negros son homosexuais, as cales adicanse rouban ovos ou, nalguns casos, chegan a formar tríos temporais con unha femia para conseguir ovos

  14. fab-rosammillan di:

    Este fenómeno ven dende a antigüidade xa que foi comprobado por Aristóteles.O comportamento homosexual ou bisexual foi observado en 1500 especies,só documentadas 500.
    Uns dos animais que posuen maior tasa de este comportamento son o bonobo e a cacatua rosa.
    A ciencia a maioría das veces obvia este suceso ben por censura relixiosa ou esceptismo.
    Na miña opinión que os animais obteñan descendencia é algo necesario pero a vez prescindible nestes casos xa que é algo natural,que xa non é un tema tabú e debería ser aceptado na nosa sociedade.Por que non? O igual que os seres humanos os animais teñen que elixir a súa propia sexualidade.

  15. Victor di:

    Un dos rasgos que nos diferencian de outros animais é a cultura. A cultura define parte dos nosos comportamentos polo que botando unha ollada ao noso pasado, coñecedes épocas ou periodos en que a homosexualidade non estivese tan mal aceptada como na actualidade?

    • fab-sandraromero di:

      Si, a Antiga Grecia. Moitos escritores exploraron os aspectos do “amor sexual”. A forma máis extendida era entre homes adultos e rapaces adolescentes, isto coñecíase como pederastia. Pero aínda hoxe non está claro como se vían as relacóns das mulleres naquela época.

    • fab-antiachantada di:

      A verdade é que se dispón de fontes históricas no que se demostran que a práctica homosexual na antiga Roma e Grecia estaba asimilada e non importaba demasiado; a distinción social estaba determinada por outros factores de clases e descendentes, a súa sexualidade era un factor secundario que a xente non vía mal. Un exemplo podería ser o caso de Alejandro Magno, que estaba namorado de Hefaistión, un dos seus xenerais.

    • ”Temos rapaces para o noso placer e esposas para levar a casa e darnos fillos”. Este é un antigo frase grega que mostra como na Antiga Grecia as mulleres se quedaban na casa mentres os homes mantiñan relacións con xóvenes ou prostitutas.
      Tratábase dunha sociedade moi machista, na que se consideraba á muller moi inferior, por iso o habitual eran as relacións entre homes. Por exemplo, a Ilíada de Homero deixa entrever unha relación entre Patroclo e Aquiles.

      Sen embargo as relacións entre mulleres non estaban ben vistas posto que considerábase que a muller era só para o coidado da casa e para ter fillos. Aínda así existen referencias de amor homosexual entre mulleres nas obras de Safo de Lesbos.

    • fab-isabelcouceiro di:

      Sandra ten razón pois na Antigua Grecia non se concibía a orientación sexual como identificador social. A sociedade grega non distinguía o desexo ou comportamento sexual polo sexo biolóxico de quenes participaran, senón por cuánto se adaptaba dito desexo ou comportamento ás normas sociais. Estas normas basábanse no xénero, a idade e mais o estatus social.

  16. fab-amadeoabal di:

    Outra época onde se aceptou ben a homosexualidade foi na Antiga Roma,dado que
    hai obras literarias, poemas, graficos e comentarios sobre as predileccións de todo tipo de personaxes incluso as de emperadores solteiros e casados. Por outro lado, as representaciones gráficas son máis escasas que na Grecia cläsica.As actitudes hacia a homosexualidade foron cambiando co tempo según o contexto histórico, oscilando desde fuerte condena ata unha considerablamente amplia aceptación. De feito,foi considerada unha costumbre cultural en certas provincias.

  17. faa-mariacmaquieira di:

    Na antiga Roma aceptábase este feito, do cal se conservan probas como obras literarias e grafitos nos que se representan esceas homosexuais, tamén compre descatar que isto non era común anteriormente xa que pasou de ser penalizado cunha forte condena ata a súa ampla aceptación de feito chegouse a considerar costume cultural nalgunhas provincias.

  18. Victor di:

    E cal é a vosa opinión sobre a aceptación da homosexualidade na actual sociedade?

    • fab-aldaragarcia di:

      Actualmente a homosexualidade segue a estar mal vista, aínda que non tanto coma hai uns anos.
      Antes a homosexualidade esta considerada unha enfermidade, pero en 1973 negouse este feito, aínda que o que pensa cada persoa hacia a homosexualidade depende de cada país, nalgúns está peor visto ca noutros. Xa que hai países onde é ilegal ser homosexual. Na maioría dos países de Oriente Medio está castigada dende anos de carcel ata a pena de morte.
      Na nosa sociedade seguimos a ver normal que as mulleres estén con homes e viceversa, xa dende pequenos sempre nos preguntan se temos un mozo do sexo contrario, e xa ahí nos ensinas que debemos estar con persoas do sexo contrario. Para que esta sociedade evolucione deberíase empezar a ensinar dende pequenos que é normal e non é nada malo que nos gusten persoas do noso mesmo sexo.

    • faa-victorinosouto di:

      Na miña opinión no campo da homosexualidade abanzouse moito xa que se oxe vemos unha parella de homes xuntos pola calle os rapaces da nosa idade, polo xeral, non nos chama tanto a atención como a os nosos avós por exemplo.
      Se na sociedade actual na que vivimos non aceptamos a homosexualidade pois e un gran problema xa que estas persoas non teñen culpa de nacer con unha atración sobre as persoas do mesmo sexo e o que facemos os heterosexuales e descriminalos se ningún motivo xa que cada persoa temos unhas diferentes crenzas, ideoloxías e como non unha atración sexual tamén diferente.

    • faa-mariamartinez di:

      O certo é que se avanzou moito neste tema, pero aínda hai persoas que dalgún xeito non o acaban de comprender. Eu creo que a xente maior é á que lle costa máis aceptar este feito, xa que sempre viviron nunha sociedade máis tradicional na que un matrimonio ou unha parella estaban constituídos por unha muller e un home. Pero tamén penso que cada vez os máis xoves se volven máis tolerantes neste aspecto.

    • fab-antiachantada di:

      Na miña opinión, está ben que a sociedade acepte as relacións homosexuais xa que si é a súa decisión e o que a esas persoas lles gusta non hai nada de malo en que estén xuntos ou casen e teñan fillos, como ma maioría das parellas. Aínda que eu aínda non vexa claro esa aceptación da homosexualidade nesta sociedade, creo que aínda hai moita xente que se ofende e está totalmente en contra.

    • faa-antoniomrodino di:

      Pregunta dende o meu punto de vista bastante interesante. Pois eu creo que a homosexualidade na actual sociedade segue estando bastante restrinxida, si é certo que se mellorou moito en canto a liberdade en parexas homosexuais, liberdade reflexada en que cada vez son máis as parexas que se poden observar na rúa, tanto bicando como non, etc… Pero aínda así, eu creo que estas parellas aínda non están moi aceptadas por toda a sociedade, posto que existan moitas persoas que ven tanto a unha perella como a unha persoa que saben que é homosexual e xa a critican ou mesmo a rexeitan. Ademais non só é iso, todos sabemos a opinión que ten a igrexa e certos políticos sobre a homosexualidade. Dando a miña opinión eu creo que as persoas homosexuais son iguais que todas as demais e que non padecen ningunha enfermidade como di moita xente. Mais por outra banda tamén quero dicir que cando exista un casamento entre parellas de homosexuais non estou a favor de que esa alianza se chame boda, xa que non está constituída por marido e muller.

    • fab-sandraromero di:

      A homosexualidade na actualidade atópase moi influenciada pola relixión cristiana, que predica a sexualidade como algo co único fin de procrear. Por iso, calquera actividade sexual que non impuxera este fin era tachada como pecado. Nas tres prmeiras décadas de siglo, a evolución da homosexualidade era moi lenta e difícil, e ademais viuse interrompida pola Guerra Civil e a dictadura franquista. Pero aínda así, España é actualmente un dos pucos países que permite o matrimonio entre persoas do mesmo sexo con máis da metade da poboación a favor. A outra metade da poboación que está en contra, gran parte dela é xente arraigada ao cristianismo, a maioría cunha idade considerable.

    • faa-xosemartinez di:

      Penso que, a medida que pasa o tempo, a homosexualidade está a ser cada vez máis aceptada e cada vez é menos sorprendente ver unha parexa entre dúas persoas do mesmo sexo. Pero a maior dificultade para a total integración da homosexualidade na nosa sociedade é a Igrexa, xa que segue a influír en moitas persoas no noso país, ademais de rexeitar as unións entre dúas persoas do mesmo sexo.

    • fab-alvarolopez di:

      A miña opinión é que na nosa sociedade xa vén sendo normal que haxa xente homosexual. Como sabemos todos dendo non hai moito estaba mal visto e prohibido que se casaran dúas personas do mesmo sexo. Incluso moitos homosexuais ocultaban a súa auténtica sexualidade casándose con personas do sexo contrario para aparentar ser heterosexual.

      Persoalmente penso que cada un é libre de elexir a súa sexualidade e ademais os prexuízos, que aínda que agora non son tantos, deben acabar.

  19. fab-alekseinogueira di:

    Eu creo que na actual sociedade, aquí en Galicia non está de todo aceptada porque a xente aínda é un pouco demais tradicional e conservadora sobre todo nas aldeas, a xente maior segue a pensar como antes e non ve normal esto. Non me refiro só a xente de dereitas se non tamén hai xente de esquerdas que son conservadores e que non ven nonrmal esto. Pero nas cidades está case aceptada porque bueno podes pensar dunha maneira ou de outra pero acabas aceptando á persoa, aínda que sempre hai grupas de ultras que non toleran a homexualidade coma os inmigrantes etc.

  20. fab-raquelblanco di:

    Penso que aínda se debe mellorar mooito máis, con respecto a fai 30 anos atras avanzamos moito nese tema xa que agora os homosexuais podense casar e adoptar rapaces, pero algunha xente aínda os segue discriminando e vendoo mal, pero confío en que algun día será normal.

  21. faa-luciasantos di:

    O certo é que a homosexualidade remóntase á época das Antigas Grecia e Roma. Penso que nas últimas décadas, dende os últimos 20 ou 30 anos, este tema cobrou moita importacia na sociedade española, debido á diversidade de opinións e ideoloxías sobre esta tendencia sexual, pero creo que se avanzou moito neste tema, que a día de hoxe está, case, aceptado totalmente, aínda que institucións como a Igrexa non o consideren óptimo, a sociedade avanza e o pensamento liberal predomina, polo tanto, creo que nos próximos anos, este tema avanzará máis, e que dentro de pouco tempo, todo o mundo estará familiarizado, como debería ser xa na actualidade.

  22. fab-isaacabal di:

    Eu penso que na actualidade, a pesar de que parece que se acepta a homosexualidade, non é asi xa que as persoas acptamos a que un amigo de toda a vida nos confesara a súa homosexualidae e todos pais lles importarían que un dos seus fillos fose gay. Non se acepta a homosexualia nesta sociedade.

  23. fab-amadeoabal di:

    Na miña opinión creo que hai que aceptar que haxa parellas homosexuais,xa que tamén aceptamos que haxa parellas heterosexuais.
    Como ben di Isaac,unha parte da sociedade actual segue sen aceptar as parellas homosexuais,eu creo que a xente non lle debería importar xa que cada un pédelle gustan quen queira,xa que estamos nun país democrático.

  24. faa-iriagondar di:

    Na miña opinión a homosexualidade vai avanzando pouco a pouco, na sociedade de agora aínda non é moi ben vista pero paulatinamente vai abrindo o seu camiño. Con isto destaco a lei que aproba os matrimonios homosexuais aquí en España pero institucións relixiosas como a Igrexa opóñense a todo o que estea relacionado co tema da homosexualidade.

  25. fab-lauralesmes di:

    Tal e como mencionan os meus compañeiros, a homosexualidadade na actualidade está moito máis integrada na naosa sociedade a comparación duns 10 anos atrás.Pero todavía existe o rexeitamento hacia este tipo de enlaces por unha gran maioría. Isto soese dar polo xeral nas persoas de avanzada idade, xa que as persoas novas están algo máis acostumadas a convivir en entornos onde abundan este tipo de parellas dende máis pequenos.Aínda así é un feito que todo o mundo terá que aceptar paulatinamente.

  26. Pingback: Pengüíns gays ou a interdisciplinariedade de CCMC | Blog Guia