Científicos do Reino Unido e China decubriron o fósil dun novo réptil voador pertencente á Era Mesozoica, tamén chamada era dos dinosaurios (hai uns 220 millóns de anos). A nova especie bautizouse como “Darwinopterous” e pertence ao grupo dos pterosaurios.
O descubrimento deste réptil voador aporta a primeira proba clave dun tipo de evolución inusual e controvertida xa que enche o oco evolutivo entre os dous tipos de pterosaurios, uns que tiñan rabo longo e outros (o seu descendente) que o tiñan máis curto.
O “Darwinopterus” posúe mandíbulas longas, dentes puntiagudos e un pescozo moi flexible . A rareza está na súa cabeza e o pescozo que recordan aos pterosaurios máis avanzados, mentres que o resto do esqueleto, incluido o longo rabo, seméllanse ás formas primitivas, razón pola que sitúan a esta especie coma un eslabón intermedio entre os dous grupos.
Este tipo de evolución dos pterosaurios foi rápida e con moitos cambios concentrados nun curto período de tempo. Partes como o cráneo, o pescozo ou o rabo, semella que evolucionaron xuntos e, despois, o corpo, as ás e as patas.
Autora: Ana Piñeiro