O SEÑOR DOS ANEIS

imagen

O telescopio de infravermellos Spitzer da NASA detectou o pasado mes de maio un novo anel de dimensións colosais,  arredor do planeta Saturno. O seu tamaño é asombroso, pois ten unha extensión de entre 6 e 12 millóns de km. O seu grosor é 20 veces maior co diámetro do planeta, e presenta unha iclinación de 27º con respecto ao resto dos aneis.

O anel está composto por xeo e po provintes, probablemente, de restos desprendidos de Febe, un satélite que orbita arredor de  Saturno. As particulas que o forman son extremadamente pequenas, o que fai que o anel sexa moi tenue.

RESOLUCIÓN DUN MISTERIO. O descubrimento deste novo anel, fixo posibel a resolución dun dos grandes misterios da ciencia planetaria: por qué o satélite Jápeto presenta dous tonos na súa superficie.  A posible explicación que deron os expertos é que a presión da luz solar empuxa aos minúsculos grans que compoñen o anel cara  á órbita de Jápeto, o que fai que estas partículas se adhiran á súa superficie facendo así, que o satélite adquira dúas tonalidades, unha moito máis oscura ca outra.

imagen

 

Autora: Laura Santos

Esta entrada foi publicada en Investigación espacial, Universo e etiquetada , , , . Garda o enlace permanente.

24 Responses to O SEÑOR DOS ANEIS

  1. dolores di:

    Que está pasando que ningún de vos se atreve a deixar un comentario neste post? Non hai nada que vos chame a atención? Non vos plantexades ningunha pregunta despois de leelo como para buscar información e contarnola? Aqui tedes algunhas: por que foi un telescopio de inframervellos o que fixo o descubrimento, non valía un de visible? Que é iso do infravermello e o visible? A imaxe que ilustra o post é a que obtivo o telescopio, é ese o aspecto real do anel e o planeta?

  2. raqueltrigo.aso.1b di:

    O telescopio infravermello construíuse coa intanción de ralizar observacións de astrofísica.Comenzou a construirse en 1993 e ese ano fixeronse as primeiras experencias en decembro.
    Este telescopio mide 3 metros e esta optimizado para usarse en astronomía infravermella.
    Localizase no observatorio Mauna Kea en Hawái.
    Este telescopio tamen aporta axuda nos estudios dos sistemas planetarios e no espazo.

  3. dolores di:

    Raquel o telescopio que detectou o anel non é o do enlace, que supoño que foi de donde sacaches os datos que nos estas dando. O do post é un telescopio lanzado ao espazo, non está en terra.
    Tedes as preguntas pendentes e temos máis esperando… (movanseme!!)

  4. victor di:

    HAI ALGUÉN AÍ?

  5. belinda.aso.1a di:

    O Telescopio Espacial Spitzer detecta a enerxía infravermella que ven dos obxetos máis fríos no espazo.
    A luz que vemos é só unha forma de radiación electromagnética. Salvo os obxetos que están totalmente fríos e non emiten ningún tipo de enerxía, tódolos obxetos emiten radiación electromagnética. Canto máis quente esté o obxeto, máis radiación emitirá. As estrelas como o Sol emiten cantidades enormes de radiación electromagnética en tódalas enerxías. Os obxetos fríos (como os cubitos de xeo, e as tazas de café) emiten principalmente radiación infravermella. Podemos detectar esta radiación como calor.
    Os planetas, as luas, as nubes de po e as nubes de gas no espazo son moi fríos en comparación coas estrelas e as galaxias. Polo tanto,para velos claramente, é mellor detecta-la radiación infravermella que emiten. Os obxetos máis quentes, como as estrelas emiten a maioría da súa enerxía nos rangos visible, ultravioleta e raios X.

  6. angel.aso.1a di:

    O anel é indetectable mediante luz visible porque as partículas que o forman están moi separadas, con grandes distancias entre elas.

    A atmosfera terrestre absorbe a maioría da luz infravermella procedente dos obxetos celestes, so unha luz cunha lonxitude de onda determinada(menos de 4 micras) alcanza a superficie terrestre,os telescopios de infravermellos son os capaces de “absorber” esa luz.

  7. dolores di:

    Bueeeno, xa temos con quen falar! Moi ben, queremos a máis que sigan o exemplo.
    Que quere dicir “obxectos totalmente fríos”?
    E radiación electromagnética en todas as enerxías? Alguén nos conta un pouco do IR?
    Ainda temos unha pregunta do principio sen resposta.

  8. raqueltrigo.aso.1b di:

    A radiación infravermella tamén chamada térmica IR é un tipo de radiación electromagnetica de maior lonxitude de onda ca lúz visble e mmenor ca das microondas.
    esta radiación e emitida por calquer corpo que a súa temperatura sexa maior de 0 kelvin.

    Onde podo busacar información para saber si a imaxe do post e a imaxe real do planeta?

  9. sabina.aso.1a di:

    Con respecto a o post de Laura non entendo como os astrónomos non se puideron dar conta da existencia deste novo anel antes, ademais sendo tan inmenso; tamén penso que ao se tan tenue retrasara o seu descubrimento pero ao meu parecer opino que que este anel se podería haber atopado anteriormente.
    Para contestar á pregunta que plantexou Dolores sobre o IR teño que dicir que é un tipo de radiación electromagnética de maior lonxitude de onda que a luz visible. Os infravermellos (IR) utilizanse nos equipos de visión nocturna cando a cantidade de luz visible é insuficiente para ver os obxectos, recibese y despois refléxase nunha pantalla. Os obxectos máis quentes convírtense nos máis luminosos.

  10. ruben.aso.1a di:

    A imaxe non e nesas cores porque o telescopio infravermello pon os obxectos nesa cor para que se poida observar.
    Este anel e imposible de detectar a luz visible porque as partículas deste anel estan moi separadas entre si .
    A radiación electromagnética é unha composición entre campos eléctricos e magnéticos que se propagan polo espazo transportando enerxía de un lugar a outro e pódese propagar no vacio .
    O IR é a radiación infravermella de maior lonxitude de onde que a luz visible e menor que as microondas . Utilizase cando a luz visible é insuficiente para ver os obxectos.

  11. victor di:

    Os seres humanos por medio dos nosos órganos dos sentidos só somos capaces de ver unha parte da realidade. Hai moitas cousas que non vemos pero están aí, é dicir, se tapas os ollos as cousas seguen no mesmo lugar aínda que non as vexas. Isto é o que ocorre cando algo só emite radiación infravermella (por exemplo), pero é algo real e polo tanto a imaxe do post é real e verdadeira pero non se pode observar coa nosa sensibilidade visual.
    Que outras axencias espaciais temén están a utilizar telescopios deste tipo?

  12. andrea.aso.1a di:

    Saturno é o segundo planeta mais grande do Sistema Solar é, e o único con aneis visibles dende a Terra.Vese claramente achatado polos polos a causa da rápida rotación.
    A súa atmosfera é de hidróxeno, con un pouco de helio e metano.É o único planeta que ten unha densidade menor ca agua.Si encontrásemos un océano suficientemente grande, Saturno flotaría.
    Cerca do ecuador de Saturno o vento sopla a 500 Km/h.
    Ten dous aneis brillantes, A e B, e un e mais suave, o C. Entre eles hai aberturas.A maior é a “División de Cassini”.Aínda que ahora descubriuse este novo anel formado por po e xeo,que levou a cabo a resolución de porque o satélite Jápeto presenta dous tonos na súa superficie.

  13. angel.aso.1a di:

    Actualmente está no espacio, despois de ser lanzado o 14 de maio deste ano pola Axencia Espacial Europea,o Observatorio Espacial Herschel.
    Será o primeiro observatorio espacial en cubrir completamente o infravermello lexano e lonxitudes de ondas submilimétricas.
    Esta misión foi nomeada para honrar a William Herschel, descubridor do espectro infravermello.

  14. victor di:

    Coñécense máis planetas no Universo que posúan aneis semellantes a Saturno?

  15. raqueltrigo.aso.1b di:

    Sí,parecese a Saturno,pero Saturno é só un dos catro planetas anillados no noso sistema solar.
    Urano tamén ten un sistema de aneis e lúas.
    É imposible ver os delgados aneis de Urano con telescopios terrestres e non foron descubertos os aneis ata 1977.
    Creese que os aneis teñen menos de 100 millons de anos e que formaronse por unha colisión dunha pequena lúa ou un cometa ou un obxecto do tipo dos asteroides.
    Urano foi visitado por última vez en 1986 por la sonda Voyaguer 2.
    As súas lúas chamanse como os personaxes de shakespeare-Urano posúe 10 satelites.

  16. ruben.aso.1a di:

    Sí , hai outros planetas que teñen aneis , como por exemplo : Urano ,Xupiter entre outros .
    Todos estes aneis estan formados por partículas e rochas que se manteñen o redor deses plantes debido o equilibrio entre as masas dos planetas e a órbita dos satélites que os rodean e tamén a forzas electromagnéticas.
    Estas partículas teñen movemento orbital na dirección de rotación do planta.
    Estes aneis teñen aproximadamente 100 millons de anos e formaronse por colisión de asteroides.

  17. sabina.aso.1a di:

    Para completar un pouco o que dixo Raquel sobre Urano gustaríame engadir que recentemente e gracias ás imáxes obtidas por astrónomos da Universidade de Berkeley, co sistema de infravermellos ópticos adaptativos do telescopio Keck, ubicado en Hawái, descubriuse que os aneis de Urano son un de cor azul e outro de cor vermello, similares a os de Saturno. Os aneis azules son unha rareza planetaria, mentres que o vermello é a color habitual de todos os demais.

  18. dolores di:

    Angel, podes aclararnos iso de infravermello lonxano e lonxitudes de onda “submilimétricas”? O IR non o é? Esa expresión é dun texto científico ou cousa dun xornalista?
    Algo máis sobre telescopios:
    A ESA lanzou xunto co Herschel outro máis coa súa correspondente misión, quen o conta?
    O Spitzer lanzouse no 2003 cunha duración estimada de 2,5 anos mínimo e como obxectivo 5 anos máis, antes estivo o ISO lanzado do 1995 con perspectiva de 3 anos de traballo e estivo catro, cal é o motivo que condiciona a vida útil destes instrumentos?

  19. ero.aso.1b di:

    Os motivos que condicionan a vida util destes instrumentos, (o igual que a terra), son principalmente as suas fontes de enerxía e o seu mantemento. Os telescopios espaciais o estar no espacio exterior, sofren a atracción dos corpos mais proximos, polo que necesitan enerxía para manter a súa traxectoria planificada. Soen levar placas solares, con baterías almacenadoras de electricidade, para dispoñer sempre de carga. A súa vida útil ven marcada principalmente polo desgaste das placas solares, ou por sufrir danos ou deterioros que non son rentables de reparar, principalmente.

  20. angel.aso.1a di:

    O infravermello lonxano é unha categoría de infravermello que está entre 15 e 100 micras.

    A astronomía submilimétrica revela un universo que non se pode ver en luz visible ou infravermella.
    É ideal para estudiar o “Universo Frío” xa que en estas lonxitudes de onda ,que proveñen de grandes nubes frías do espacio interestelar, as temperaturas superan só en poucos graos o cero absoluto.
    Respondendo á terceira pregunta é dun texto científico.

  21. dolores di:

    Angel, coa pregunta referente as lonxitudes submilimétricas pretendia que nos aclarases a que rango en concreto se refiren, e se o termo é xerga astronómica, porque para calquera de nos submilimétrica é calquera medida que este por debaixo dos milimetros, non? (A referencia aos xornais é porque cando falan de unidades os erros son frecuentes) E por certo, tamén hai un erro nos datos que nos das.
    Ero, o que dis é correcto tanto para os telescopios como para calquera outro aparello que lancemos ao espazo, pero hai un motivo máis importante que isos que limita a utilidade destes telescopios. Quen a atopa?

  22. maria.aso.1a di:

    O prezo, que é moi elevado; e ademáis, unha vez en órbita, se hai un falliño, por pequeno que sexa é imposible de reparar

  23. dolores di:

    O prezo non parece ser unha limitación Maria, porque xa comentamos que a ESA lanzou dous en maio, e EEUU ten outro case a punto que contan con enviar en decembro. Unha pista: o motivo está relacionado coa sensibilidade de detección.
    Seguimos esperando que nos faledes dos intervalos de lonxitude de onda do IR (infravermello por se alguén non entende as siglas) a ver se aclaramos o de submilimétricas. e do compañeiro do Herschel.
    Eeeee…botamos de menos a moitos “aso.1b”, ainda non teñen claro que non hai que ser científico para participar?? So se precisa a vosa opinión e buscar, contrastar e contarnos información.

  24. victor di:

    POR CERTO: TEDES O PRIMEIRO FORO DESTE CURSO ABERTO. TRABALLAREDES NEL DURANTE 10 OU 15 DÍAS E LOGO PECHARÉMOLO. RECORDADE QUE PARA PARTICIPAR NEL SO TEDES QUE “CLICAR” NA VENTÁ DE FORO E LOGO ABRIR NO IES ASOREY.
    ANIMÁDEVOS.