FINAL DUNHA ERA

imagen

A fin da era do petróleo podería estar máis preto do que pensamos.  Segundo o Consello de Investigación da Enerxía do Reino Unido, nun estudo realizado a partir de 500 traballos revela que o alcance máximo estaría previsto para o ano 2.020.

Os autores sinalan que os gobernos dos países non son conscientes da gravidade do problema. A última estimación da Axencia Internacional de Enerxía (IEA), anuncia o tope para o 2.030. Sen embargo o Consello de Investigación Británico califica esta estimación de “optimista” e advirte da dificultade de atopar outros recursos enerxéticos, antes do 2.030. O estudo apunta a que máis dos dous tercios da producción deberán ser reemprazados para ese ano e que as grandes petrolíferas xa iniciaron un declive na producción. 

O tema está creando debate xa que por unha banda se  asegura que xa acadamos o máximo de producción e que non estamos preparados para a crise dos vindeiros anos e por outra que as compañías e analistas enerxéticos negan que se estea a esgotar.

Os autores deste estudo sosteñen que é difícil demostrar cando se van a esgotar as reservas xa que non hai un método fiable para realizar as medicións senón que as estimacións se sosteñen na “inexistencia de datos fiables e a ausencia de terceiras persoas revisando cifras o que crea a inseguridade dos datos”. Esta confusión é a causante de que os gobernos non estean ben asesorados nesta materia. Parte das dificultades están creadas polos problemas que poñen algúns países e compañías que se negan a divulgar os datos sobre a totalidade das súas  reservas amparándose nas implicacións económicas de revelar esta información.


Autora: Marcelina Abal

Esta entrada foi publicada en Sobreexplotación dos recursos, Xestión sustentable da Terra e etiquetada , , . Garda o enlace permanente.

38 Responses to FINAL DUNHA ERA

  1. angel.aso.1a di:

    Eu opino que no futuro beneficiaranos polo feito de buscar e á vez potenciar outras fontes de enerxía alternativa.
    Tamén é certo que se en tan poucos anos se esgota perxudicaranos moito na economía, facendo que as petroleiras se sumerxan nunha febre do petróleo e suban os prezos ata cifras descomunais.
    A escaseza deste ouro negro tamen provocará que se busque máis carbón, xa que mediante este podemos facer un petróleo sintético,pero tampouco podemos abusar moito, os investigadores din que o carbón esgotarase en 500 anos.

  2. victor di:

    Angel, non estou dacordo contigo. A escasez de combustibles fósiles está a potenciar a investigación noutras fontes enerxéticas máis duradeiras e limpas (tratade de defender este argumento con exemplos concretos).
    Encontrades algunha relación entre este post e o anterior?

  3. angel.aso.1a di:

    Si, o esgotamento do petróleo diminuirá o uso dos combustibles fósiles e buscaranse e usaranse fontes de enerxía menos contaminantes e sen emisións(ou reducidas) de CO2.

  4. victor di:

    Ángel, non me contestas ás dúas cuestións que estou a plantexar (lede o comentario nº2).

  5. angel.aso.1a di:

    Eu creo que uns exemplos claros e cercanos son os aeroxeneradores que están presentes en multitude de montes galegos(por poñer un exemplo) e tamén en gran medida a hidráulica que xenera o 15% da enerxía utilizada en España.

  6. victor di:

    Co segundo exemplo non estou dacordo pero, ademais, agardo máis das vosas respostas.

  7. andrea.aso.1a di:

    O petróleo é un recurso natural non renovable e actualmente tamén é a principal fonte de enerxía nos países desarrollados.O petróleo líquido pode presentarse asociado a capas de gas natural, en nacementos que estuveron enterrados durante millons de anos, cubertos polos estratos superiores da corteza terrestre.Respecto a esto penso que cando o
    petróleo se esgote deberemos ter as solucións precisas para seguir levando a cabo as funcións nas que intervén o petroleo.
    Tanto buscaránse outros recursos ou outras fontes de enerxia..ainda que habra que controlar o consumo dos recursos que obtemos na actualidade como o carbón,petróleo..para que asi poidan durar algo máis ainda que esto sexa moi complicado xa que hoxe en dia precisamos destos servizos.

  8. fatima.aso.1b di:

    Eu creo que debería terminar o petróleo porque e un gran contaminante que tamen afecta o cambio climático e debería eexperimentar novas enerxia que igual beneficiarian mais e serían menos contaminantes,aínda que para que o petróleo se agote temos que esperar uns cuantos anos, ademais do petróleo solo se benefician os países mais ricos.

  9. victor di:

    Fátima, por que dis que o petróleo é un contaminate?
    Andrea, que fontes de enerxía poden substituír ao petróleo?
    Por certo, que significado ten para vos a imaxe que ilustra este post?

  10. isaac di:

    O irremediable esgotamento do petróleo obriga evidentemente a busca de alternativas, non sempre limpas. Pero fronte a esta crise enerxética tamén existen outras posibles saídas.

    Cales se vos ocorren?

  11. paula.aso.1b di:

    Que o petróleo iba a esgotarse algún día era algo que todo o mundo sabia.
    O que pasou, é que empezaron a consumir e a consumir como fan sempre sen pensar nas consecuencias. E agora teñen que buscar unha boa solución.
    Nalgúns casos xa están investigando, como coches electricos, e con placas solares, pero ainda lles queda moito por investigar.
    O bo de que se agote o petróleo é que poden buscar unha nova fonte de enerxía que non contamine tanto, e asi de paso, contribuir a disminuir a contaminación do planeta.

  12. anadia.aso.1b di:

    Outra posible alternativa a esta crise enerxética e o descubrimento dunha bacteria alterada xenéticamente por uns científicos en Silcon Valley, unha localidade californiana, que se alimenta de residuos e xenera petróleo como excrementos.
    Tras o achazgo o problema está na producción e distribución deste petróleo xa que por ahora solo se conseguiu fabricar unha máquina capaz de facer un barril á semana e só para cubrir a demanda de Estados Unidos farían falta unhas instalacións do tamaño de Chicago.
    Sin embargo podría ser un bo sustituto do petróleo si se consiguen reducir os costes de este combustible no futuro.

  13. ivanabal.aso.1a di:

    O Hidrogeno como combustible e unha das mellores alternativas. Moitas empresas teñen pensado sacar mais modelos con motor Hibrido ou solo de H2 como Toyota, Honda, Mazda, Mercedes, BMW, Ford. En dinamarca xa existen empresas que empezaron a preparar estas gasolineras de H2 xa que en ese pais os coches hibridos son mais baratos grazas a axuda do goberno. Os coches movidos por Hidroxeno provocan moi pouco gases e case ningun ruido polo que tamen se acabaria a contaminación acustica das cidades

  14. isaac di:

    O hidróxeno non pode ser considerado como unha fonte de enerxía, senón como un xeito de almacenala, o que se chama un vector enerxético. Pero para producir hidróxeno a partir de auga é necesario consumir enerxía, e se esta procede de fontes non renovables, como combustibles fósiles, non se resolve o problema, e ademais seguimos contaminando.

    A miña pregunta tamén atinxe ao cambio das condutas. Que se pode facer nese sentido?

  15. alexandre.aso.1b di:

    Según a miña opinión o máis fácil para as compañias é sacar novos coches con mellores motores e que claramente consumen máis, temos que ver que cando estas compañias sacan os coches é porque unha terceira persona os compra, creo que non temos que mirar tanto para as empresas que extraen o petróleo, xa que estas o que fan e satisfacer as nosas necesidades directamente, creo que o que temos que facer e cambiar a nosa actitude xa que este cambio ten que empezar desde o escalón máis baixo, e está claro que o máis doado e barato pódenos saír caro, creo que esto por moito que se diga e se achege a xente, de pouco vai servir, xa que como se sabe nestas cousas parece que só se aprende a base de paus, e se dan conta do problema cando sucede, non o saben previr “ou non queren”.

  16. laura.aso.1a di:

    O esgotamento do petróleo, motivanos a buscar outras fontes de enrxía e a potencialas, como por exmplo os parques eólicos e os paneles solares. Tamen o aproveitamento do movemento das ondas do mar. Hay tempo lin unha noticia sobre este tema, Victor podriasm aclarar como funcionan estas máquinas que aproveitan a enerxía do movemento das ondas?

  17. victor di:

    Alexandre, se algo está claro é que os coches consumen menos co paso do tempo. O problema é que hai máis coches.
    Hai outra cousa moi interesante: as empresas petrolíferas son as que controlan a producción de enerxía en xeral; son as que están a investir en novas fontes de enerxía e polo tanto sempre serán elas as que controlen o mercado. Deben ser os gobernos (en reunións como en Kioto) os que marquen as liñas de desenvolvemento enerxético no mundo e non as empresas.
    Buscade información sobre sobre anterior presidente de USA e o presidente de Afganistan e as empresas petrolíferas.

  18. angel.aso.1a di:

    A principios dos anos 90 a empresa arxentina “Bridas” descubriu o enorme potencial dos pozos de petróleo e gas natural na zona do Mar Caspio.
    Por este motivo a empresa UNOCAL loitou por conseguir un trato cos Talibáns, que se presentaban como gañadores da guerra civil en Afganistán.
    Os Estados Unidos apoiaron a UNOCAL e como consecuencia tamén aos Talibáns.
    A loita entre Bridas e UNOCAL para gañarse aos Talibáns e poder instalar os óleo e gasoductos rematou coa “victoria” da empresa norteamericana.
    Os estadounidenses no 2001 eran os maiores donantes de axuda ao país(Talibáns)
    Máis tarde xunto coa loita antiterrorista vería a invasión do país (na miña opinión) para garantir o abastecemento de petróleo, e actuando en nome das compañías petrolíferas.

  19. victor di:

    Ben Ángel, aí está a cuestión. As guerras non son ideolóxicas senón económicas. Aclarade máissta cuestión.

  20. sabina.aso.1a di:

    Con respecto ao post e a todos os vosos comenterios anteriores hai unha cousa que astá verdadeiremente clara, que tarde ou cedo o petróleo vaise acabar esgotando.Pero eu considero que ese feito vai beneficiar enormemente o descubrimento de novas fontes de enerxía, menos contaminantes e máis abundantes.Oxe en día xa se están a utilizar novas enerxías non contaminantes como a eólica, a solar, a enerxía das mareas, a biomasa…;e dende logo penso que é moitísimas veces mellor que os gobernos gasten diñeiro intentando descubrir ou desenvolver novas fontes de enerxía non contaminantes, a que gasten diñeiro en petróleo caro que o único que fará será perxudicar o medio ambiente.
    Sobre a cuestión que plantexou Vitor sobre que as guerras non son ideolóxicas senón económicas estou totalmente de acordo, xa que a maioría dos conflictos bélicos que se dan no mundo son de caracter enerxético(os países loitan por posuír o poder de unha determinada fonte de enerxía, e con ela os seus beneficios económicos), pero disfrazados de conflictos étnicos, relixiosos, culturais, políticos…

  21. angel.aso.1a di:

    O control do petróleo dá o control sobre os que o necesitan e tamén é un pilar do imperio moderno.
    No caso do petróleo os estadounidenses teñen como finalidade promover e crear un soporte para as inversións das corporacións e á globalización a través do seu poderío militar e usando como “detonante” neste caso o terrorismo.

    Polo que teño lido con esta intervención os estadounidenses privarían dos enormes beneficios da zona a potencias como China ou Rusia, monopolizando dalgunha maneira a zona e creando unha carreira económica aproveitandose da situación bélica dos países.

  22. isaac di:

    Ángel, teño que recoñecer que me descolocache bastante, mesturas unha serie de temas que poderían estar relacionados, pero erras na base do teu argumento. Afganistán está a moitos centos de quilómetros do Mar Caspio, con isto quero dicir que aos talibáns quédalle moi lonxe o control destes recursos. É certo que a principal fonte de financiación dos talibáns no inicio da guerra de Afganistán foron os EE.UU., porque a súa intención era desprazar ao goberno prosoviético que gobernaba daquela o país, e expulsar ás tropas da U.R.S.S. que foran na súa axuda, pero estamos a falar dos anos 80 do século pasado. Pero o resto do teu razoamento é incorrecto, así que revisa as túas fontes.
    Ademais, non teño noticia de que existan importantes reservas de petróleo en Afganistán.

  23. raquel.aso.1b di:

    Unha posible saída a esta crise enerxética é a falta de materia prima e superficie cultivable como para considerar ó etanol (composto químico coñecido como alcohol etílico, é un alcohol que se presenta como un líquido incoloro e inflamable con un punto de ebullición de 78ºC) unha solución ó fin do petróleo. A diferencia das plantas de EEUU, en España producese etanol a partir de trigo e cebada. Para cada litro de etanol son necesarios 3 kilos de trigo. Sen embargo, o cereal como materia prima debe ser considerado unha solución transitoria en espera do desenrolo de “cultivos enerxéticos”. Neste sentido estase experimentado con plantas que conteñen maior cantidade de palla(biomasa), como o sorgo, ou a pataca. En Brasil engádese etanol á gasolina para baixar a importanción de petróleo,dando lugar á alconafta. Ademáis fai máis de 20 anos que fabrica motores para automóviles movidos exclusivamente a alcohol. Este país é un dos principais productores, son isto reducen un 40% das súas importancións de crudo. Esta última aplicación exténdese tamén cada vez máis noutros países para cumprir o protocolo de Kyoto. Estudos do Departamento de Enerxía de USA, din que o uso en automóviles reduce a produción de gases invernadeiro nun 85%.

  24. angel.aso.1a di:

    Os talibáns como mencionei no comentario 18 serían a chave para instalar os óleo e gasoductos,o petróleo chagaría dende o Mar Caspio (Turkmenistán) a través do territorio afgano ata chegar ao océano índico.
    Unocal firmaría este contrato nos anos 90 xa apoiado polos estadounidenses.

  25. ero.aso.1b di:

    O problema de dependencia do petróleo non so se solucionará descubrindo novas fontes de enerxía renovables e menos abusadoras do medio ambiente, senón que se solucionará aplicandoas con eficacia. Neste punto é donde xogan o seu papel as empresas e os gobernos, as primeiras gañan un pastón a base do control da produción, e polo tanto de prezos, e de non facerse a competencia entre elas. A este oligopolio haille que sumar os escasos investimentos dos gobernos nas novas fontes de enerxía, e aquí e onde está a clave do asunto. A culpa non e dos consumidores, como algúns afirman, polo menos na maioría dos casos. Os consumidores e as empresas buscan sempre o modo mais barato de satisfacer as suas necesidades, neste caso enerxéticas, e se sae máis barato utilizar a enerxía producida polo petróleo ou os seus derivados, para satisfacer estas necesidades, serán estas as que se utilicen no lugar de outras alternativas. Neste punto e donde entra en xogo o papel do goberno como se di de Dinamarca. Só facendo que outras fontes enerxeticas sexan mais baratas que o petróleo, se poderá reducir o consumo deste.

  26. ero.aso.1b di:

    No caso de España, a situación actual e a seguinte. Fai pouco houbo un debate entre as duas principais forzas políticas, sobre a saida da crise economica. Tivo unha gran importancia neste debate o modelo de produción falouse da necesidade de cambio do modelo actual, e dende o punto de vista da asignatura, a pregunta é: como non se vai a depender do petróleo se o modelo de produción está enfocado a depender del?. Como exemplo vale que unha das medidas aplicadas polo goberno para sair da crise é o plan 2000E que concede unha axuda de 2000€ para a compra de un vehículo novo. Como non vai a aumentar o número de coches cando se incentiva a súa compra?. E como non van a estancarse os avances en enerxías limpas cando non se inviste neles ou non se subvenciona o seu uso?. E se se primasen e se publicitaran tamén a compra de coches eléctricos, e dos transportes públicos, sobre todo estes últimos, nos que pode estar a clave da redución de emisión. O mellor o que ai que facer é un cambio de raiz. No caso de Galicia, un plan de ordenación territorial que concentrase os edificios e vivendas en núcleos e impedise a expansión da dispersión que existe na actualidade, seguro que aumentaría o uso do transporte público, ou polo menos reduciría o uso de vehículos privados.

  27. ero.aso.1b di:

    Está visto que todos os problemas aqui citados teñen un posible punto en comun. O exceso de liberdade. O exceso de liberdade que fai que as empresas controlen o mercado do petroleo e nos controlen a todos ou que non exista unha ordenación territorial eficiente en Galicia, e cada un construa donde lle pete. Como dixo Protágoras, un famoso filósofo: “A liberdade no sentido da ausencia de calquera control restrictivo, debe levar a unha restrición moi rigurosa para que os fortes abusivos non exclavicen os débiles”. Ousexa que a liberdade ten que ter un límite para que esteamos en igualdade de condicións. Demasiada liberdade pode cambiar ata convertirse en demasiada exclavitude. Neste caso, débese facer unha transición progresiva da enerxía con base no petróleo, hacia outras menos nocivas co medio. Deberíamos ser libres de elexir a enerxía que nos mova, non do modelo de coche que nos contamine.

  28. victor di:

    Con respecto ás aportacións de Ero queriavos preguntar unhas cousas:
    Por que credes que os coches eléctricos teñen pouca saída ao mercado?
    Como inflúe a dispersión territorial das vivendas galegadas, do que fala Ero, no aumento de consumo enerxético?

  29. jose.aso.1b di:

    A miña opinión sobre este tema, e que se lle debían de dar máis importancia da que se lle está a dar, xa que nestes tempos o petróleo case é unha fonte imprescindible.
    Por outra parte penso que se debían ir poñendo as pilas para encontrar novos recursos enerxéticos xa que esta como ven se di non vai durar moito.
    E para min unha que podía dar moito que falar é a enerxía do sol que se podería aproveitar, como algunhas persoas xa o están a facer.

  30. leticia.aso.1a di:

    Que o petróleo se ía acabar xa o sabíamos todos, pero con respecto ao que poida suceder cando isto ocorra eu penso que máis que inconvintes isto vai traer ventaxas, xa que así centraranse en buscar outras fontes de enerxía máis abundantes e mellores e tamén intentaran mellorar a forma de utilizalas.
    Como aspecto negativo sobre a idea de buscar outras fontes de enerxía é que creo que con ela vai crear novos conflictos entre países xa que todos intentarán apropiarse da fonte de enerxía buscada porque todos se centran en fins económicos.
    Considero que os coches eléctricos non teñen unha boa saída ao mercado porque aínda non hai as condicións axeitadas que o favorezan para o uso na vida cotiá.

  31. ana.aso.1a di:

    Con respecto o tema do petroleo penso que xa era previsible que un día se acabará. Por outra banda hai que ir buscando una nova fonte de enerxia menos contaminante e apoder ser renovable, como porexempolo a enerxia eólica, solar, maremotriz,geotermica……
    Por outra banda a pregunta que fixeches dos coches eletricos, creo que por ahora non teñen tanta saida por que en primer lugar son bastante caros para os momentos que estamos a vivir, e por outra banda non hai as instalacions necesarias para cargar as baterias dos coches.
    Con respecto o petroleo penso que os Americanos xa sabian que tarde ou cedo se lle ía a cabar o petroleo poreso se meteron en gerra cos irakis para teren mais petroleo para explotar e ser un dos paises mais ricos.

  32. alberto costa di:

    Que o petroleo se iba acabar xa l dixeron hai moitos anos,pero co tempo cada vez vai aparecendo máis, eu penso que o fan por temas económicos.
    O petróleo contamina moito pero por agora e imprescindible na nosa vida, porque senón os vehículos non funcionarían.

  33. ruben.aso.1a di:

    Esta gran problema era algo que máis tarde ou máis cedo iba a acabar sucedendo debido a enorme explotación do pétroleo . Estamos explotando os recursos a un ritmo moi alto e que en poucos anos imos agotar. Agora os científicos teñen que buscar unha boa solución para encontrar unha nova fonte de enerxía.
    Na miña opinión eu creo que os coches eléctricos non funcionaran no mercado porque estaríamos no mesmo problema porque agora teríamos que sobreexplotar outra fonte de enerxía non renovable e estaríamos no mesmo problema co paso dos anos.

  34. victor di:

    Alberto, tenta buscar unha explicación de porque co tempo vai aparecendo máis petróleo. Quero dicir que, evidentemente, o petróleo sempre estivo aí, entón por que será que cada vez, como ti dis, vai aparecendo máis? Cres que non hai actualmente fontes de enerxía limpas que poidan substituir ao petróleo?
    Rubén, por que falas de explotar outras enerxías non renovables? En que tipos de enerxías se está a investigar actualmente?

  35. ruben.aso.1a di:

    Falo de outras enerxías non renovables porque si os coches funcionaran con alguna enerxía renovable sería un enorme gasto para instalar novos sitios para repostar , aumento de aeroxeradores , placas solares , centrales hidráulicas … Polo que penso que non serviría e teriamos que explotar algunha outra enerxía non renovable.
    Actualmente estáse a investigar sobre as enerxías renovables como a eólica , hidráulica , solar …

  36. maria.aso.1a di:

    …Contestacion á pregunta de porque vai aparecendo mási petroleo co paso do tempo?:
    É pola maneira en que se forma, ao quedaren aplastados baixo a terra bosques aon moitos animais(por calquera catástrofe), e co paso do tempo, vanse transformando en petroleo(ou carbón, se eran plantas); pero este é un proceso que require millons de anos e ademáis depende dos lugares; así que aínda que se estives formando petrñoleo neste momento, nin a nós nin a nosos netos nos afectaría porque aínda non estaría listo. As enerxías renovables sobre as que se está traballando, son, ademáis das que manciona Rubén, a de Biomasa, a Xeomotríz e a Maremotriz.

  37. ana.aso.1b di:

    Que o petroleo é unha enerxía que se esta esgotando xa o sabemos. Pero suponse que agora en vez de petroleo banse utilizar outras enerxás pero asi como pasou co petroleo tamén pode pasar con outras enerxías acabaranse esgotando e volveremos o mesmo problema.Asi que a solución polo de agora vai ven pero…Que pasará dentro de uns anos?Eu creo que volveremos o mesmo problema que agora.

  38. victor di:

    Non pode ser Rubén; hai que tentar utilizar enerxías renovables, pois nelo nos xogamos o futuro. Xa hai coches eléctricos; a cuestión é como producir a electricidade (con enerxías limpas) sen contaminar e por suposto cómpre readaptar as estacións de servizo a estes novos vehículos.
    María, refírome a que as novas tecnoloxías de detección de xacementos e de estracción, así como a suba dos prezos do petróleo, fan que sigan aparecendo novos xacementos explotables na actualidade pero non no pasado.
    Ana, a solución pasa polas enerxías renovavles e iso teno claro todo o mundo (case).