Climántica e o Asorey na tele

tele1_1.JPG

O pasado mércores 18 de febreiro visitounos un equipo da produtora de televisión PÓRTICO AUDIOVISUALES para facer unha reportaxe de como levamos a cabo no noso centro as actividades dentro do proxecto CLIMÁNTICA.

Deste xeito darán testemuña de como os rapaces de 1º de ESO  achéganse ao estudo das variables meteorolóxicas mediante experiencias sinxelas nas que se poñen de manifesto fenómenos como a presión atmosférica, os efectos do quentamento do aire na súa dilatación e formación de correntes ascendentes, ou coa elaboración de instrumentos rudimentarios como barómetros con un frasco e un globo ou unha veleta con unha roda de bicicleta.

Igualmente recolleron a nosa experiencia cos blogs de aula como este, e o seu emprego como unha ferramente educativa que permite extender a aula ata os fogares dos alumnos e profesores propiciando o profundamento no coñecemento científico e o debate e intercambio de opinións arredor destes temas.

Esta reportaxe será emitida no programa “A NATUREZA” da Televisión de Galicia moi proximamente.

Desde o Departamento de Bioloxía e Xeoloxía queremos agradecer á dirección do proxecto CLIMÁNTICA que elixira ao IES Asorey para ilustrar como este programa educativo se leva a cabo nun centro educativo.

tele3_1.JPG

Esta entrada foi publicada en Actividades e eventos e etiquetada , , . Garda o enlace permanente.

20 Responses to Climántica e o Asorey na tele

  1. rodrigo.aso.1a di:

    Isto non vale! Xusto o día que tiñamos exame de matemáticas ven a televisión, e para variar eu na biblioteca estudando ou intentándoo, xa que deixa moito que desexar a biblioteca para ser considerada como tal.
    Alguén sabe o día fixo que sae e a que hora máis ou menos?

  2. isaac di:

    Primeiro dicirlle a Rodrigo que alucino coa súa rapidez, pouco despois de publicar o post xa hai un comentario!!

    Polo de agora descoñecemos a data de emisión, consultaremos proximamente a produtora para que nos avisen previamente para poder comunicárvolo. En principio será a finais da semana próxima ou principios da seguinte.

  3. noeliap.aso.1b di:

    A min paréceme moi importante para o centro que nos elexiran para o proxecto posto que nos distirá dos demáis e daranse a coñecer todas as boas iniciativas que aquí se levan acabo. O noso blog de feito é dos que mellor funciona comparado co resto de institutos con esta asignatura.

  4. josemaria.aso.1a di:

    A min o que me parece un pouco estrano e a redecoracion do mapa de clase e os experimentos que habia na entrada , deberian coñecer as clases tal como son.

  5. isaac di:

    Jose, paréceme moi demagóxico o teu comentario. Sobre o que ti chamas “decoración” da clase trátase dun traballo dos alumnos de Adela que xa se fixera anteriormente e pareceunos interesante que quedara reflectido na reportaxe, e o que ti chamas experimentos da entrada son veletas rudimentarias construídas por alumnos de 1º de ESO na asignatura de Proxecto Intersdisciplinar, que no noso centro esta acollido ao programa CLIMAEUCAMBIO de Climántica. Por certo esas veletas van quedar nese lugar de forma permanente. Por outra banda a reportaxe que emitan durará pouco máis de tres minutos, polo que os da produtora pedíronos que fixeramos cousas que resultaran vistosas baixo a cámara. Pero pódoche asegurar que non houbo nada que non se tivera feito anteriormente.

  6. gema.aso.1b di:

    Creo que os de 1bachA están algo mosqueados por non participar na reportaxe,vexoo lóxico,porque unha oportunidade así paréceme educativa e interesante,sobre todo para dar a coñecer o que estamos a facer no Asorey e que calquera colexio que queira continuar e expoñer temas científicos poda facelo,da mesma forma que os facemos nós.

    Isaac ten razón co da “redecoración”do instituto,pois a miña irmá participou neles e que menos que ensinar os nosos proxectos,traballos e coñecementos relacionados con climántica,o foro do mesmo,as materias de ciencias,naturais,FeQ cando ven a TVG ata aquí.

    Espero que nos vexamos todo nesa emisión do programa “Natureza”,aínda que dure so 3 minutos sexa vistoso e un modelo a seguir para outros institutos.

  7. isaac di:

    O motivo de escoller uns determinados grupos e non outros foi fundamentalmente unha cuestión de horarios e do tamaño dos grupos. No caso de 1º BAC A, con 28 alumnos, sería máis difícil metelos na aula de informática, pero non se trata de desmerecer a ninguén, e moito menos eu, que só dou clase a uns poucos de 1º A, que si que me gostaría que os meus alumnos apareceran na reportaxe.

  8. sara.aso.1a di:

    Que a televisión viñera pareceume moi ben, pero tamén é certo que non so participan os de primeiro da eso, xa sei que é moi complicado o dos horarios pero no blog somos nos quen máis participamos, pero bueno o importante é que recoñeceron que somos un instituto volcado en temas coma os que traballamos e iso é o que realmente importa.

  9. carolina.aso.1b di:

    ui,1ºbachA como se pican,pois tampouco foi para tanto,porque eu ainda non o vin na tv e iso que nos paso poucas horas diante do televisor :p

  10. antia.aso.1a di:

    Estou de acordo con Sara, pero tamén hai que ver outra cousa, por moito que nos sexamos os que máis participemos no blog, solo facemos eso. Os rapaces da ESO teñen clases máis prácticas e claro está que a TV prefire ver a uns rapaces facendo unha actividade relacionada con climántica que ver a un grupo de bacharelato mirando para unha pantalla co blog de climántica aberto.

  11. isaac di:

    A reportaxe será emitida o venres 27, pero teredes que avisar na casa para que o graben porque será arredor das 14:00, cando estaredes na última hora de clase. En todo caso a produtora quedou en enviarnos unha copia en DVD.

  12. almudena.aso.1b di:

    Pareceume moi ben que viñese a tele,pero creo que foi unha inxustiza que os de grupos.
    1ºA non saísen.Creo que tiñades que coller media clase de cada 1º e que saísen de todos os

  13. pablo.aso.1b di:

    Despois de ver a reportaxe, dicir que non quedou nada mal, aínda que o blog case non apareza. Unha boa recompensa as actividades do centro.

  14. uxia.aso.1b di:

    A verdade é que si que quedou ben, sobre todo os momentos nos que os pequenos fan os experimentos, pero estou de acordo con Almudena, os de 1ºA deberian salir xa que eles son os futuros científicos. Esta reportaxe vai vir ben para a imaxe do centro.

  15. melania.aso.1a di:

    Paréceme ben que elixiran a os rapaces de 1 da eso porque son os que máis clases prácticas teñen, e en teoría eso é o que viñan buscando grabar. Pero bueno, basandome no que dixo Sara e Antía, eles puideron salir na grabación porque nos colaboramos ben no blog e por iso os de climántica elixiron o IES Asorey e non outro.

  16. nuria.aso.1a di:

    A verdade é que a reportaxe quedou bastante ben, e nela pódense ver algunhas das instalacións do centro. Eu tamén penso que vai a traer unha boa imaxe po centro, posto que é un dos mais activos actualmente no proxecto climántica.

  17. isaac di:

    Reitero que o criterio a hora de seleccionar os grupos que apareceron foi fundamentalmente amosar experiencias interesantes e producir o menor trastorno posible a outras asignaturas e profesores en función dos horarios.

  18. rodrigo.aso.1a di:

    Creo que foi unha reportaxe moi, moi cutre. Xa que creo que non lle prestaron nin a mínima atención. Pero bueno non está mal que polo menos alguén poida ver isto que non sexa do instituto. Porque estou seguro de que máis dunha persoa viu esta reportaxe pola televisión.

  19. victor di:

    Foi un programa de televisión que so ten como finalidade a promoción do proxecto climántica e que á vez conseguíu a promoción do noso centro e so por iso valeu a pena. Conseguíu trasladar á sociedade como se traballa neste centro e existen poucas canles tan efectivas coma a tele para conseguir estas cousas.

  20. isaac di:

    Rodrigo, non podo estar menos de acordo contigo, pareceume que para ser unha reportaxe de tres minutos ilustrou suficientemente o que se fai neste centro, e creo que ofreceu unha boa imaxe do Asorey. En definitiva un traballo moi digno.