Invernos como os de antes

ventos_1.jpg

Sen dúbidas un dos temas de conversación máis recorridos cando non se ten nada que dicir é o tempo,  o meteorolóxico por suposto. Pero nestes últimos días este temo volvéuse invevitable despois do temporal que arrasou Galicia e a práctica totalidade do norte de España, incluíndo as súas funestas consecuencias en forma de vidas humanas que levou con el.

Habitualmente cando estas conversacións sobre a meteoroloxía as mantemos con xente dunha certa idade, obtemos esta resposta “Isto non é nada, temporales eran os de antes” ou “o de agora non é frío, daquela non arriabas os sabañóns ata o mes de maio”.  Esta apreciación subxectiva ten moito que ver coa mellora das condicións de vida que experimentamos nos últimos tempos, dito doutra forma, a meteoroloxía antes non era tan adversa, pero as comodidades que temos agora nos nosos fogares, ou as melloras na construción dos barcos e outros avances na predicción meteorolóxica permítennos prepararnos mellor ante estas situacións.

Pero nin os máis vellos do lugar atreveríanse a afirmar que recordan un temporal tan devastador como o deste pasado fin de semana. Son moitos os datos que nos permiten facer esta aseveración, por sinalar un moi claro, a velocidade do vento, que chegou a rexistrar refachos de máis de 190 Km/h na estación meteorolóxica de Estaca de Bares, como o recolle o diario La Voz de Galicia, outros datos tomados en estacións oceánicas dan testemuña de que este foi o temporal no mar máis violento desde que se recollen este tipo de datos.

Este fenómeno meteorolóxico adverso, empregando a terminoloxía actual, orixinouse polo proceso coñecido como cicloxénese explosiva (recoméndovos de forma vehemente que consultedes o enlace), moi inhabitual por estas latitudes, e aínda que non é a primeira vez que se da nunca se producira con esta intensidade. No caso de anteriores temporais normalmente tiñan a súa orixe en ciclóns tropicais que atravesaban o Océano Atlántico e chegaban ata nos como borrascas moi profundas, pero xa sen o carácter de ciclón, como o caso do tan recordado Hortensia ou o máis recente Gordon.


Opinades que este feito pode ser interpretado como unha consecuencia do cambio climático, ou é simplemente un fenómeno inhabitual pero compatible co noso clima?

Esta entrada foi publicada en Cambio Climático, Catastrofes naturais e etiquetada , , . Garda o enlace permanente.

43 Responses to Invernos como os de antes

  1. romina.aso.1a di:

    Eu penso que debe ser unha consecuancia do cambio climático xa que non é a primeira cousa inhabitual que sucede nesta zona nos últimos anos. Se mal non recordo, hai uns 2 ou 3 anos houbera unhas inundacións por unhas chuvias moi intensas que duraran uns 3 días sen parar.

  2. sabela.aso.1a di:

    Pareceume un post moi interesante. Respondendo á pregunta…poderíase pensar que o temporal do fin de semana pasado foi un fenomeno inhabitual e compatible co noso clima, pero eu creo que ten que ver moito máis co cambio climático (xa que este implica cambios nos diferentes elementos atmosféricos,como a chuvia). Ademais, na miña opinión o clima estase a desestabilizar dunha maneira increible. Posto que nestos momentos podemos chegar a ter unha época cun calor similar ó do verán, no inverno; como ter unha étapa de chuvias, no verán.

  3. victor di:

    Credes que sen cambio climático as estacións serían todos os anos iguais? Quero dicir con isto que se pensades que sen cambio climático o clima sería perfectamente predecible?

  4. ivanz.aso.1a di:

    Eu creo que cada ano o clima e distinto e con cambio climatico ou sen él o clima cambia e nunca será perfectamente precedible.Un exemplo é o do ano pasado, as inundacións que sufrimos facía decadas que non se viran, e dicir, o clima e impredecible, ou eso é o que eu penso.

  5. nuria.aso.1a di:

    Aínda que o cambio climático xogue un gran papel na meteoroloxía, eu creo que sen él,o tempo tampouco sería perfectamente predecible a longo prazo, porque pode haber casos puntuais nos que esas predicións non se cumplan.

  6. ramon.aso.1b di:

    Eu dende a miña opinión creo que por moit cambio climántico que haxa ou non haxa o tempo é impredecíbel sempre. Según moita xente de avanzada idade, o cambio climántico é un invento máis dos de arriba… (cousa que eu nno creo, e obvio que algo está a ocorrer), pero os temporais, os ciclóns, o mal tempo… sempre lle bota a culpa e sempre resposabilizan ao cambio climático. Pero eu tampouco o vexo así ou hai 50 anos non había temporais así de fortes ou peores?

  7. beatriz.aso.1a di:

    Eu estou dacordo con Ramón, en que por moito cambio climántico que haxa ou non haxa o tempo vai seguir sendo impredicíble. Porque no sempre vai facer o mesmo tempo o mellor nalgúns anos e parecído pero non igual, é isto vemolo que algunhas veces os temporales que hai son parecidos ou case iguais que hai 50 anos ou máis, e con isto quero decir que o tempo non será predicíble sen cambio climántico ou con él.

  8. sabela.aso.1a di:

    Eu penso que é moi dificil de predecir o tempo…pero co cambio climático moito máis. Porque fai uns anos, máis ou menos, podías saber por exemplo en que época iba a chover, facer frio ou calor…pero co cambio climático, na miña opinión é imposible…
    Por que si non; fai dous anos (máis ou menos) non houbo diferencia entre primavera e verán, e en novembro (outono) do 2008 empezou con grandes nevadas, cando antes esto non sucedía?

  9. victor di:

    A curto prazo, o tempo predícese con bastante exactitude e penso que podemos confiar nas prediccións aínda que poidan darse pequenos erros.
    Tampouco quero que pasedes dun extremo ao outro, é dicir, que as catástrofes naturais de orixe climática sexan maioritariamente debidas ao azar e o cambio climático é unha anécdota.

  10. alexandre.aso.1b di:

    A verdade e que estamos moi obsesionados en dividir o ano nas catro estacións, na miña opinión non sempre por estar nunha determinada estación os días teñen que ser iguais, todos sabemos que estanse a suceder cambion no clima pero antes había fenómenos máis fortes e parecían normales asique ahora o inverno tamén se está a adaptar os novos tempos, por eso cada vez e máis dificil predecir o tempo pero tamén cada vez temos novas melloras, por iso conforme o tempo cambia nos avanzamos adaptándonos a el.

  11. carmen.aso.1b di:

    O tempo podese predecir de forma medianamente segura a curto prazo porque as ferramentas cas que traballan os meteorólogos so permiten iso, é dicir, sería difícil traballar con simulacións dos movementos atmosféricos a longo prazo, e polo tanto así é moi dificil acertar.

    Por outra banda, as inundacións de fai dous anos tamén se deberon en certa medida á man do home, porque os incendios provocados dese verán fixeron que logo a terra non puidera filtrar tanta auga.

  12. melania.aso.1a di:

    Estou de acordo con carmen.
    Non se pode predecir o tempo a longo prazo.
    Como dixeron a maioría dos meus compañeiros o cambio climático inflúe no tempo meteorolóxico, pero tampouco é un factor decisivo.
    Contribuen tamén as correntes de aire en diferentes direccións e moitos máis factores.

  13. ero.aso.1b di:

    Estou de acordo con carmen en que os incendios que houbo fai uns anos nesta zona tiveron unha certa inportancia nas inundacións que houbo, debido a que a terra perde capacidade de absorver a auga por dous motivos: porque está cuberta da borralla e demais restos do lume que non deixan filtrar a auga, e mais porque o ecosistema que se alimenta e retén esa auga, sobre todo a flora desapareceu. Pero está claro que con incendios ou sin eles, se chove moito hai inundacións, pero hai que preguntarse cal é a razón de que estas situacións se repitan con, quizais, cada vez máis frecuencia.

    E respostando á cuestión que plantexa Isaac sobre si cremos que a razón destes acontecementos meteorolóxicos son o cambio climático ou que simplemente se trata dun fenómeno inhabitual pero compatible co noso clima, penso que os dous plantexamentos son igual de válidos. Analizandoos estes datos dende diferentes puntos de vista penso que este deito é un fenómeno inhabitual e compatible co noso clima que se está a producir con mais frecuencia nos últimos anos e que se agudiza polo cambio climático.

  14. victor di:

    O cambio climático non inventa a chuvia, o vento ou as temperaturas estacionais, senón que produce a alteración de parámetros atmosféricos habituais e fai que convertan en valores e comportamentos anómalos que non se corresponden co esperado.
    Pero en ocasións poden darse alteracións que non son producidas polo cambio climático.
    ¿Entendedes o que estou explicando?

  15. gema.aso.1b di:

    Creo que o que queres dicir é que o cambio climático é só un factor que actua e incrementa os acontecementes meteorolóxicos que se poden dar nunha zona.Quizáis o cambio climático influa na forza dos tormentas,das nevadas,e das treboadas tan fortes que se están a dar por toda España(en lugares nos que en estas épocas do ano non se soian dar)pero non e soamente o cambio climático o causante total de todos os comportamentos anómalos da natureza cara nós.

  16. isaac di:

    En realidade quen está obsesionado en dividir o ano en catro estacións é o eixo de rotación da Terra e o seu movemento de traslación arredor do Sol, nos só padecemos estes cambios. En relación a este temporal dicir que desde que se teñen datos rexistrados non hai datos de ventos máis fortes que os que houbo no anterior fin de semana, e iso é un dato obxectivo. Por outra banda comentar que nas chuvias de hai dous anos, que en algúns puntos da comarca achegáronse aos 150 litros por metro cadrado (a precipitación anual nesta zona ronda os 1500 litros por metro cadrado)os incendios o que fixeron foi agravar as súas consecuencias, pero nada teñen que ver coa súa intensidade.
    Agora ben, un fenómeno meteorolóxico intenso pero illado nor serve para caracterizar un clima, por que este por definición descríbese a partir de un período de tempo prolongado, arredor dos 30 anos, pero si que poden ser prudentemente interpretados como posibles indicios de cambios no clima, e que servan para sinalar tendencias nese cambio, pero non podemos esquecer e que o clima é de por si unha sucesión de variacións do estado da atmosfera.

  17. noeliag.aso.1b di:

    Eu penso que o cambio climático afecta en xeral sobre a meteoroloxía e dicir que varían as temperaturas as precipitacións…das estacións pero hai cousas que pasarían igual sen que houbera cambio climático como as inundacións de hai uns anos ou máis recentemente o temporal deste pasado fin de semana porque son cousas que aconteceron sempre aínda que agora son máis fortes ca normalmente debido eso si ao cambio climatico.

  18. marta_alonso.sau di:

    Estou dacordo con noelia.aso.1b, a pesar de que agora “estamos a ter” un inverno “típico galegos” debido as abundantes choivas, non só nos podemos centrar na observación deses fenómenos, xa uqe os ventos están a ser máis fortes e continuos do habitual, así como a neve, que dase en cotas baixas e cunha temperatura superior os 0 grados centígrados.
    As temperaturas extremas non son boas, é se compraramos o inverno có verán que tivemos cabería preocuparse, polas altas temperaturas do verán e os ventos que chegan a viaxar a unha velocidade máis elevada da habiyual.
    O cambio clímatico, caracterízase, entre outras cousas polos cambiaos buscos de temperatura, temperaturas extremas, fenómenos meteorolóxicos inusuais (é dicir, que aparcen en zonas onde antes non se había, como os furacáns).
    Polo uqe deberíamos preocuparnos, e non pensar que non está a ocorrer nada.
    besiños! 🙂

  19. victor di:

    O clima galego denomínase atlántico húmido; que pode describilo?

  20. lara.aso.1a di:

    O noso clima caracterízase por unhas temperaturas suaves, cunha oscilación térmica (diferencia de temperatura entre o día e a noite)máis ben pequena, duns 10ºC. Precipitacións abuntandes e distribuídas ó longo do ano.

  21. victor di:

    E cales son as causas de que o noso clima atlántico sexa como o define Lara?

  22. ruben.aso.1a di:

    As causa de que o noso clima sexa asi veñen de donde esta localizada Galicia no mapa. Como se encontra nun lugar occidental e o lado da costa danse estas circunstancias.

  23. noeliap.aso.1b di:

    As causas son:
    -A presencia do mar que suaviza as temperaturas,conforme nos alonxamos da costa endurécense,os veráns serán máis secos e os invernos máis fríos.
    -A latitude está moi relacionada coa insolación canto mais preto da zona tropical a temperatura media anual medra. Andalucía recibe máis calor que Galicia,nalgúns casos a diferencia chega a ser de 4ºC anuais.
    -A altura,a maior altitude fai máis frñio nunha relación de 0.65 ºC por cada 100m de subida.

  24. pablo.aso.1b di:

    Tamén a corrente do Golfo é unha causa ( unha das máis importantes ) de que a nosa zona teña un clima temperado.A preocupación sobre o cambio climático en Galicia tamén xira entorno a esta corrente, debido a que se a temperatura da auga disminue corrente podería provocar un aumento do frío no litoral.

  25. carmen.aso.1b di:

    A denominación de clima atlántico débese a que é característico da fachada atlántica de Europa, aínda que pode estar presente noutras zonas. A súa principal característica é a influencia do mar, que acarrea moderación das temperaturas e elevada pluviosidade.

    Trátase polo tanto dun clima húmido, con abundantes precipitacións, que ademáis suaviza as estacións, (presenta invernos e vrans suaves). En definitiva, ten unha baixa oscilación térmica, raramente se dan xeadas e precipitacións en forma de neve, aínda que as chuvias poden superar os 1000 litros/metro cuadrado ó ano e non da lugar a unha estación seca propiamente dita, senón que as chuvias poden aparecer ó longo de todo o ano

  26. victor di:

    O anticiclón das Azores posúe un gran protagonismo no clima galego. Que é un anticiclón? Como afecta o anticiclón das Azores ao noso clima?

  27. josemaria.aso.1a di:

    O anticiclon das Azores fai que os verans sexan secos, soleados e calurosos . Este debese a as altas presion que produce (masa de aire quente e estable)Este anticiclon esta sendo afectado polo calentamiento global o que fai que estenda a sua area de accion (cada vez mais o norte) e asi aumente a sequia nos meses de veran

  28. noeliap.aso.1b di:

    Un anticiclón é unha área de altas presións atmosféricas (presión exercida polo aire en cualquera punto da atmósfera), que adoita ir acompañada de bo tempo na superficie.

  29. victor di:

    Estás segura de que adoita ir acompañado de bo tempo. Pode chover cun anticiclón; por que?

  30. isaac di:

    Habería que definir que entendemos por bo tempo?

    De feito, nunha situación anticiclónica poderíamos ter aqui temperaturas próximas a cero graos. Para vos iso é bo tempo?

  31. melania.aso.1a di:

    Os anticiclóns provocan situacións de tempo estable( quere dicir que non se producen cambios atmosféricos bruscos ) e ausencia de precipitacións, xa que a o movemento do aire descendente cara algunha zona da terra limita a formación de nubes.

  32. melania.aso.1a di:

    Bo tempo non sempre está referido a unhas temperaturas agradables, quere dicir que non se producen situacións de cambios bruscos no tempo. Non, temperaturas próximas a 0º non é bo tempo precisamente.

  33. victor di:

    Pode chover cando hai un anticiclón?
    Que quere dicir Melania con que un anticiclón é un movemento de aire descendente?

  34. juanluis.aso.1a di:

    Á pregunta de Víctor a resposta é si. Cando as altas temperaturas fan que o aire se eleve, ó elevarse o aire a presión baixa. Isto polo xeral xenera condicións de inestabilidade na atmosfera que, no caso de que esté húmida pode formar nubes que poden provocar chuvias.

  35. victor di:

    Juan Luís da unha explicación errada. Se hai anticiclón non pode chover; por que?

  36. noeliap.aso.1b di:

    Din que se hai un anticiclón non chove porque estes non deixan entrar as borrascas. Isto sucede co anteriormente citado (o das Azores) cando se coloca xutsto enriba da península.

  37. victor di:

    Qúe é un anticiclón?

  38. maria.aso.1b di:

    Un anticiclón es una zona atmosférica de alta presión, en la cual la presión atmosférica (corregida al nivel del mar) es superior a la del aire circundante. El aire de un anticiclón es más estable que el aire que le circunda y desciende sobre el suelo desde las capas altas de la atmósfera, produciéndose un fenómeno denominado subsidencia. Los anticiclones, debido a lo anterior, provocan situaciones de tiempo estable y ausencia de precipitaciones, ya que la subsidencia limita la formación de nubes. La circulación del aire en el interior de un anticiclón es inversa a la de una borrasca, es decir, en el Hemisferio Norte la circulación es en el sentido de las manecillas del reloj (dextrógiro), y en el Hemisferio Sur es en sentido contrario a las manecillas del reloj (levógiro).

  39. ana.aso.1b di:

    Un anticiclón é unha zona atmosférica de alta presión, na cal a presión atmosférica é superior a do aire que hai arredor. O aire dun anticiclón é máis estable ca o aire de arredor e por iso descende desde las capas altas de la atmósfera, produciéndose un fenómeno denominado subsidencia (movemento descendente do aire). Debido a isto e polo que os anticiclóns provocan tempo estable e ausencia de precipitacións, xa que a subsidencia limita a formación de nubes.

  40. isaac di:

    Seriades capaces de explicar por que o fenómeno de subsidencia mencionado por ana limita a formación de nubes?

  41. josemaria.aso.1a di:

    Na convección o aire que conten vapor de auga elevase pola calor do sol , e segun ascende enfriase ata chegar a un punto critico de frio no que comeza a formacion de nube.

    Empeza o proceso de conveccion , pero se esta dentro dunha subsidencia o aire que sube enfria mais rapido que o que ten arredor que esta parado, esto fai que baixe e evita que chege o punto crítico de temperatura no que se forman nubes. Non sei se me expliquei moi ben

  42. isaac di:

    Jose, observo unha contradicción no que dis entre unha situación de subsidencia e o ascenso do aire. Se hai subsidencia non pode haber ascenso do aire.

  43. josemaria.aso.1a di:

    Na convección o aire que conten vapor de auga elevase pola calor do sol , e segun ascende enfriase ata chegar a un punto critico de frio no que comeza a formacion de nube.

    Enton nunha subsidencia non se pode elevar o aire o que fai que non se enfrie e asi non chege o punto critico de formacion de nubes.

    Grazas pola aclaracion Isaac